Don't miss

കൊച്ചി വാട്ടര്‍ മെട്രോ ആദ്യ ഘട്ടം 2018 ല്‍ പൂര്‍ത്തിയാകും

By on February 13, 2017

കൊച്ചി വാട്ടര്‍ മെട്രോയുടെ ആദ്യം ഘട്ടം 2018 ഓടെ പൂര്‍ത്തിയാകും. ഫെബ്രുവരി മാസം അവസാനത്തോടെ വിദഗ്ദ്ധാഭിപ്രായം തേടി പദ്ധതി പെട്ടെന്ന് തന്നെ പ്രാവര്‍ത്തികമാക്കാന്‍ കഴിയുമെന്നാണ് സംസഥാന സര്‍ക്കാര്‍ അറിയിച്ചിരിക്കുന്നത്. 2016 ജൂലൈയില്‍ ഉദ്ഘാടനം നിര്‍വഹിച്ച ശേഷം പദ്ധതിക്ക് കാര്യമായ പുരോഗതി ഉണ്ടായിരുന്നില്ല.

കൊച്ചി മെട്രോ റയില്‍ ലിമിറ്റഡ് (കെ.എം.ആര്‍.എല്‍.) ഉടന്‍ തന്നെ പദ്ധതിയുടെ വിശദാംശങ്ങള്‍ പുനഃ പരിശോധിക്കുമെന്നും ആറ് മാസത്തിനുള്ളില്‍ തന്നെ പണി തുടങ്ങുമെന്നും അറിയിച്ചു. 2017 ഓടെ ആദ്യ ഘട്ടം പൂര്‍ത്തിയാക്കുമെന്ന് നേരത്തെ പറഞ്ഞിരുന്നെങ്കിലും നിര്‍മ്മാണപ്രവര്‍ത്തി ഇനിയും ആരംഭിക്കാന്‍ കഴിയാത്തതിനാല്‍ പറഞ്ഞ സമയത്ത് പദ്ധതി തീര്‍ക്കാന്‍ കഴിയില്ലെന്ന് കെഎംആര്‍എല്‍ അധികൃതർ അറിയിച്ചു. മൊത്തം പദ്ധതി  നാല് വര്‍ഷം കൊണ്ട് പൂര്‍ത്തിയാക്കും.