Don't miss

വന്‍ നിക്ഷേപത്തിന് ഒരുങ്ങി ഹീറോ മോട്ടോകോര്‍പ്

By on June 16, 2017

രണ്ട് വര്‍ഷത്തിനുള്ളില്‍ 2500 കോടി നിക്ഷേപിക്കും

മുംബൈ: രാജ്യത്തെ പ്രമുഖ ഇരു ചക്ര വാഹന നിര്‍മാതാക്കളായ ഹീറോ മോട്ടര്‍കോര്‍പ് വിപുലീകരണം ലക്ഷ്യമിട്ട് വന്‍ നിക്ഷേപത്തിന് ഒരുങ്ങുന്നു. അടുത്ത രണ്ട് വര്‍ഷത്തിനുള്ളില്‍ 2,500 കോടി രൂപ നിക്ഷേപിക്കാനാണ് കമ്പനിയുടെ തീരുമാനം. ഉത്പന്ന വികസനം, ഡിജിറ്റൈസേഷന്‍, ശേഷി വിപുലീകരണം എന്നിവയ്ക്ക് വേണ്ടിയാണ് നിക്ഷേപം നടത്തുന്നത്.നിലവില്‍ കമ്പനിയുടെ വില്‍പ്പന 70 ദശലക്ഷം മറികടന്നു. വില്‍പ്പന 100 ദശലക്ഷമായി ഉയര്‍ത്തനാണ് കമ്പനി ലക്ഷ്യമിടുന്നത്. ഗുജറാത്തിലെ ഉത്പാദന യൂണിറ്റ് വിപുലീകരിക്കാനും പദ്ധതി ഉണ്ട്. ആന്ധ്രപ്രദേശിലെയും ബംഗ്ലാദേശിലെയും പുതിയ പ്ലാന്റുകള്‍ക്കായും നിക്ഷേപത്തിന്റെ ഒരു ഭാഗം നീക്കി വയ്ക്കും. നിലവിലെ പ്ലാന്റുകളുടെ നവീകരണവും ഇതില്‍ ഉള്‍പ്പെടും. വഡോദര യൂണിറ്റിന്റ ഉത്പാദന ശേഷി വര്‍ഷം 1.8 ദശലക്ഷം യൂണിറ്റായി ഉയര്‍ത്തും. കമ്പനിയുടെ ആറാമത്തെ ഉത്പാദന യൂണിറ്റാണ് ആന്ധ്ര-തമിഴ്‌നാട് അതിര്‍ത്തിയില്‍ വരുന്നത്. ബംഗ്ലാദേശിലെ ഉത്പാദന യൂണിറ്റ് ഈ വര്‍ഷം പ്രവര്‍ത്തനം ആരംഭിക്കാന്‍ കഴിയുമെന്നാണ് പ്രതീക്ഷ. ഒന്നര ലക്ഷം യൂണിറ്റാണ് നിര്‍ദ്ദിഷ്ട യൂണിറ്റിന്റെ ശേഷി. ആഗോളതലത്തിലുള്ള കമ്പനിയുടെ രണ്ടാമത്തെ ഉത്പാദ യൂണിറ്റായിരിക്കും ഇത്. നിലവില്‍ കൊളംബിയയില്‍ കമ്പനിഉത്പാദന യൂണിറ്റ് തുടങ്ങിയിട്ടുണ്ട്.