കഴിഞ്ഞ വർഷം ഒക്ടോബറിനെ അപേക്ഷിച്ച് 2024 ഒക്ടോബർ വിൽപ്പനമാസത്തില്‍ വര്‍ഷാനുവര്‍ഷം ശ്രദ്ധേയമായ 43% വിൽപ്പന വളർച്ച കൈവരിച്ചു.
ലെക്‌സസിൻ്റെ ലക്ഷ്വറി ലൈനപ്പിലുടനീളമുള്ള ഉയർന്ന ഡിമാൻഡും ശക്തമായ ഉപഭോക്തൃ ഇടപഴകലുമാണ് ഇതിനു സഹായിച്ചത്. കൂടാതെ, 2024 ഒക്ടോബർ വരെയുള്ള കലണ്ടർ വർഷത്തിൽ മുൻ വർഷത്തെ ഇതേ കാലയളവിനെ അപേക്ഷിച്ച് 14% വളർച്ചയും ലെക്സസ് രേഖപ്പെടുത്തി.
2024 ഒക്ടോബറിൽ ലെക്സസ് ഇന്ത്യയുടെ മൊത്തം വിൽപ്പനയുടെ 58%വും സംഭാവന ചെയ്ത ലെക്സസ് ഇഎസ് മോഡൽ ഈ ഉത്സവ സീസണിലും ശ്രദ്ധേയമായി തുടരുന്നു.
കഴിഞ്ഞ വർഷം ഒക്ടോബറിനെ അപേക്ഷിച്ച് 2024 ഒക്ടോബറിൽ ലെക്സസ് ഇന്ത്യ അതിൻ്റെ എസ്‌.യു.വി ഉൽപ്പന്ന നിരയിലും 46% വളർച്ച കൈവരിച്ചു. ആർഎക്സ്, എൻഎക്സ് പോലുള്ള മോഡലുകളുടെ ശക്തമായ മുന്നേറ്റമാണ് ഇതിനു സഹായകമായത്.
2017-ൽ ലെക്സസ് ഇന്ത്യയിൽ അരങ്ങേറ്റം കുറിച്ച ലെക്സസ് ഇന്ത്യ, 024 ജൂൺ 1 മുതൽ വിൽക്കുന്ന എല്ലാ പുതിയ ലെക്സസ് മോഡലുകൾക്കും ഒരു ഇൻഡസ്ട്രി-ഫസ്റ്റ് 8-വർഷ/160,000 കി.മീ വാഹന വാറൻ്റി അവതരിപ്പിച്ചു.
2024 ഫെബ്രുവരി 1-ന് ആരംഭിച്ച 5 വർഷത്തെ റോഡ്സൈഡ് അസിസ്റ്റൻസ് (RSA) പ്രോഗ്രാമും ഉപഭോക്താക്കളുടെ സൗകര്യവും മനസ്സമാധാനവും വർദ്ധിപ്പിക്കുന്നു. 2024 ഓഗസ്റ്റ് മുതൽ വാഹനങ്ങൾക്ക് ആഡംബരവും മോടിയുള്ളതുമായ ഫിനിഷിംഗ് നൽകുന്ന ഉയർന്ന നിലവാരമുള്ള ബോഡി കോട്ടിങ് ഫാക്ടറിയും ആരംഭിച്ചു.
ഈ വർഷം ഉപഭോക്തൃ ഇടപഴകൽ കൂടുതൽ സമ്പന്നമാക്കുന്നതിന്, ബാംഗ്ലൂർ, ഡൽഹി എൻ.സി.ആർ, ഹൈദരാബാദ്, മുംബൈ എന്നിവിടങ്ങളിൽ ലെക്സസ് ഗോൾഫ് ഇവൻ്റുകളും പ്രത്യേക ഗോൾഫ് ക്ലിനിക്കുകളും സംഘടിപ്പിക്കുന്നുണ്ട്.
