2024-25 സാമ്പത്തിക വര്‍ഷത്തിന്റെ മൂന്നാം പാദത്തില്‍ (ഒക്ടോബർ -ഡിസംബർ ) ഐടി സേവന കമ്പനിയായ വിപ്രോയുടെ അറ്റാദായം 24.4 ശതമാനം വർധിച്ചു. 3,354 കോടി രൂപയാണ് വിപ്രോയുടെ അറ്റാദായം.
ഇക്കാലയളവിൽ കമ്പനിയുടെ പ്രവർത്തന വരുമാനം 0.5 ശതമാനം വർധിച്ച് 22,319 കോടി രൂപയായി. ഓഹരി ഒന്നിന് 6 രൂപ ഇടക്കാല ലാഭവിഹിതവും കമ്പനി പ്രഖ്യാപിച്ചിട്ടുണ്ട്.
മൂന്ന് വർഷത്തെ കാലയളവിൽ പേഔട്ട് 70 ശതമാനമോ അതിൽ കൂടുതലോ ആയി വർദ്ധിപ്പിക്കുന്ന പുതുക്കിയ മൂലധന വിഹിത നയത്തിന് വിപ്രോ ബോർഡ് അംഗീകാരം നൽകിയിട്ടുണ്ട്.
ഈ കാലയളവിൽ മൊത്തം അറ്റ വരുമാനത്തിന്റെ പേഔട്ട് ശതമാനം 45-50 ശതമാനത്തിൽ നിന്ന് 70 ശതമാനമോ അതിൽ കൂടുതലോ ആയി വർദ്ധിപ്പിക്കുന്നതിനാണ് മൂലധന വിഹിത നയം പരിഷ്കരിച്ചതെന്ന് കമ്പനി പ്രസ്താവനയിൽ പറഞ്ഞു.
വരുന്ന മാർച്ച് പാദത്തിൽ ഐടി സേവന ബിസിനസിൽ നിന്നുള്ള വരുമാനം 2,602 മില്യൺ മുതൽ 2,655 മില്യൺ യുഎസ് ഡോളർ വരെയാകുമെന്നാണ് കമ്പനി പ്രതീക്ഷിക്കുന്നത്.
ഇത് ഒരു ശതമാനം വരെ വളർച്ച കുറയുന്നതിന്റെ തുടർച്ചയായ സൂചനയാണെന്ന് റെഗുലേറ്ററി ഫയലിംഗ് പറയുന്നു.
