മുംബൈ: കമ്പനിയുടെ വിഭാഗമായ അദാനി റിന്യൂവബിൾ എനർജി ഹോൾഡിംഗ് ഫോർ രണ്ട് പുതിയ അനുബന്ധ സ്ഥാപനങ്ങൾ രൂപീകരിച്ചതായി അദാനി ഗ്രീൻ എനർജി അറിയിച്ചു.
അദാനി റിന്യൂവബിൾ എനർജി ഫോർട്ടി ഫോർ ലിമിറ്റഡ് (എആർഇ44എൽ), അദാനി റിന്യൂവബിൾ എനർജി ഫോർട്ടി എയ്റ്റ് ലിമിറ്റഡ് (എആർഇ48എൽ) എന്നിവയാണ് പുതിയതായി രൂപീകരിച്ച ഉപസ്ഥാപനങ്ങൾ എന്ന് കമ്പനിയുടെ റെഗുലേറ്ററി ഫയലിംഗ് വ്യക്തമാകുന്നു.
കാറ്റിൽ നിന്നുള്ള ഊർജ്ജം, സൗരോർജ്ജം, മറ്റ് പുനരുപയോഗ ഊർജ്ജ സ്രോതസ്സുകൾ എന്നിവ ഉപയോഗിച്ച് ഏതെങ്കിലും തരത്തിലുള്ള വൈദ്യുതിയോ വൈദ്യുതോർജ്ജമോ ഉത്പാദിപ്പിക്കുക, വികസിപ്പിക്കുക, വിതരണം ചെയ്യുക എന്നതാണ് പുതിയ അനുബന്ധ സ്ഥാപനങ്ങളുടെ പ്രവർത്തന ലക്ഷ്യം. അനുബന്ധ സ്ഥാപനങ്ങൾ യഥാസമയം അവരുടെ ബിസിനസ്സ് പ്രവർത്തനങ്ങൾ ആരംഭിക്കുമെന്ന് അദാനി ഗ്രീൻ എനർജി അറിയിച്ചു.
അഹമ്മദാബാദ് ആസ്ഥാനമായി പ്രവർത്തിക്കുന്ന ഒരു ഇന്ത്യൻ റിന്യൂവബിൾ എനർജി കമ്പനിയാണ് അദാനി ഗ്രീൻ എനർജി ലിമിറ്റഡ് (AGEL). ലോകത്തിലെ ഏറ്റവും വലിയ സോളാർ ഫോട്ടോവോൾട്ടെയ്ക് പ്ലാന്റുകളിലൊന്നായ കമുത്തി സോളാർ പവർ പ്രോജക്ട് കമ്പനിയാണ് പ്രവർത്തിപ്പിക്കുന്നത്.
