ഡൽഹി: ക്ലൗഡ് അധിഷ്‌ഠിത ഡിസൈനർ പ്ലാറ്റ്‌ഫോമായ ഫിഗ്മയെ 20 ബില്യൺ ഡോളറിന് ഏറ്റെടുക്കാൻ ഒരുങ്ങുന്നതായി അഡോബ് ഇൻക് അറിയിച്ചു. ഈ ഏറ്റെടുക്കലിലൂടെ ഫിഗ്മയുടെ ഉടമസ്ഥത അഡോബിന് ലഭിക്കും. ഇത് സൂം വീഡിയോ കമ്മ്യൂണിക്കേഷൻസ് (ZM.O), എയർബിഎൻബി, കോയിൻബേസ് എന്നിവ ഉൾപ്പെടെ ടെക് സ്ഥാപനങ്ങൾക്കിടയിൽ വ്യാപകമായി പ്രചാരമുള്ള ഡിസൈനുകൾക്കുള്ള വെബ് അധിഷ്‌ഠിത സഹകരണ പ്ലാറ്റ്‌ഫോമാണ്.
ഫിഗ്മയുടെ ബിസിനസ്സിന് നിരവധി സാധ്യതകൾ ഉള്ളതായും ഡോക്യുമെന്റ് റീഡർ അക്രോബാറ്റ്, ഓൺലൈൻ വൈറ്റ്ബോർഡ്, ഫിഗ്ജാം എന്നിവ പോലുള്ള കമ്പനിയുടെ ഓഫറുകളുമായി ഇത് സംയോജിപ്പിക്കുന്നതിന് വലിയ അവസരങ്ങൾ ഉണ്ടെന്നും അഡോബ് ചീഫ് എക്സിക്യൂട്ടീവ് ഓഫീസർ ശന്തനു നാരായൺ പറഞ്ഞു. ഈ ഏറ്റെടുക്കൽ ഫിഗ്മ ഉപയോക്താക്കൾക്ക് അഡോബിന്റെ ഫോട്ടോഗ്രാഫി, ചിത്രീകരണം, വീഡിയോ ടെക്നോളജി എന്നിവയെല്ലാം ഒരിടത്ത് ലഭ്യമാക്കും.
ഇൻഡെക്സ് വെഞ്ചേഴ്സ്, ഗ്രേലോക്ക് പാർട്ണേഴ്സ്, ക്ലീനർ പെർകിൻസ് എന്നിവയുൾപ്പെടെയുള്ള വെഞ്ച്വർ ക്യാപിറ്റൽ സ്ഥാപനങ്ങളുടെ പിന്തുണയാണ് ഫിഗ്മയ്‌ക്കുള്ളത്. അതേസമയം ഈ ഏറ്റെടുക്കൽ റിപ്പോർട്ടുകളെ തുടർന്ന് അഡോബിന്റെ ഓഹരികൾ 17 ശതമാനം ഇടിഞ്ഞു.
കരാർ പൂർത്തിയായി മൂന്ന് വർഷത്തിന് ശേഷം അതിന്റെ വരുമാനത്തിൽ വർദ്ധനവുണ്ടാകുമെന്ന് പ്രതീക്ഷിക്കുന്നതായി അഡോബ് പറഞ്ഞു. ഡിസൈൻ, വൈറ്റ്ബോർഡിംഗ്, സഹകരണം എന്നിവയിലുടനീളം ഫിഗ്മയുടെ മൊത്തം വിപണി 2025-ഓടെ 16.5 ബില്യൺ ഡോളറിലെത്തുമെന്ന് അഡോബ് അറിയിച്ചു. റെഗുലേറ്ററി അനുമതികൾക്ക് വിധേയമായി ഏറ്റെടുക്കൽ കരാർ 2023-ൽ അവസാനിക്കുമെന്ന് പ്രതീക്ഷിക്കുന്നു
