ന്യൂഡൽഹി: കടക്കെണിയിലായ ഗോ ഫസ്റ്റ്, ജെറ്റ് എയർവേസ് വിമാനക്കമ്പനികളുടെ എയർലൈൻ കോഡുകൾ എടുത്തുകളഞ്ഞതായി റിപ്പോർട്ട്. ഇന്‍റർനാഷണൽ എയർ ട്രാൻസ്പോർട്ട് അസോസിയേഷൻ (അയാട്ട) നൽകുന്ന ജി 8, 9 ഡബ്ള്യു കോഡുകൾ കമ്പനികൾക്കു നഷ്ടപ്പെട്ടതായി ഫൈനാൻഷൽ ടൈംസ് റിപ്പോർട്ട് ചെയ്തു.
കമ്പനികളുടെ പ്രവർത്തനം നിലച്ചതോടെയാണു കോഡുകൾ നഷ്ടപ്പെട്ടത്. ഈ മാസം മേയിൽ ഗോ ഫസ്റ്റ് വാണിജ്യ വിമാന സർവീസുകൾ അവസാനിപ്പിച്ചിരുന്നു.
കമ്പനി വീണ്ടും പ്രവർത്തനസജ്ജമായാൽ കോഡുകൾ പുനഃസ്ഥാപിക്കുമെന്ന് അയാട്ട കമ്യൂണിക്കേഷൻസ് മേധാവി അറിയിച്ചു.
കോഡുകൾ നഷ്ടപ്പെട്ടത് കമ്പനികളുടെ ടിക്കറ്റ്, റിസർവേഷൻ സേവനങ്ങളെ ബാധിക്കും.
കടക്കെണിയിലായതിനെ തുടർന്ന് ജെറ്റ് എയർവേസ് 2019ൽ തന്നെ പ്രവർത്തനം അവസാനിപ്പിച്ചിരുന്നു.
