ന്യൂഡല്‍ഹി: അക്സോ നോബല്‍ ഇന്ത്യ ഓഹരി വെള്ളിയാഴ്ച ഉയര്‍ന്നു. 4.2 ശതമാനം നേട്ടത്തില്‍ 2315 രൂപയിലായിരുന്നു ക്ലോസിംഗ്. മികച്ച മൂന്നാം പാദ ഫലങ്ങളാണ് തുണയായത്.
വളര്‍ച്ചയുടെ മൂന്ന് ഘടകങ്ങളിലും പുരോഗതി കൈവരിക്കാന്‍ കമ്പനിയ്ക്ക് സാധിച്ചിട്ടുണ്ട്. വരുമാനം 8 ശതമാനമുയര്‍ന്ന് 986.8 കോടി രൂപയായപ്പോള്‍ എബിറ്റ മാര്‍ജിന്‍ 50 ബേസിസ് പോയിന്റ് നേട്ടത്തില്‍ 14.5 ശതമാനം. അറ്റാദായം 16.2 ശതമാനമുയര്‍ന്ന് 97.4 കോടി രൂപ.
അലങ്കാര പെയ്ന്റുകള്‍ മികച്ച പ്രകടനം കാഴ്ചവയ്ക്കാതിരുന്നിട്ടും വരുമാനം ഉയര്‍ത്താനായി. നീണ്ട മണ്‍സൂണ്‍ നേരിട്ടെങ്കിലും വിപണി വിഹിതം മെച്ചപ്പെടുത്തി.
പ്രമുഖ പെയിന്റ് നിര്‍മ്മാണ കമ്പനിയാണ് അകസോ നോബല്‍.
