മുംബൈ: റെജിനാൾഡോ ഡിസൂസയെ കമ്പനിയുടെ ചീഫ് എക്സിക്യൂട്ടീവ് ഓഫീസർ (സിഇഒ) ആയി നിയമിച്ച് അനൂപ് എഞ്ചിനീയറിംഗ്. നിയമനം 2022 ഒക്ടോബർ 8 മുതൽ പ്രാബല്യത്തിൽ വന്നതായി കമ്പനി അറിയിച്ചു. മുൻ സിഇഒ ആയിരുന്ന ഋഷി രൂപ് കപൂറിന് പകരക്കാരനായി ആണ് റെജിനാൾഡോ ഡിസൂസ എത്തുന്നത്.
നോമിനേഷൻ & റമ്മ്യൂണറേഷൻ കമ്മിറ്റിയുടെ ശുപാർശയുടെ അടിസ്ഥാനത്തിൽ കമ്പനിയുടെ ഡയറക്ടർ ബോർഡ് ചീഫ് എക്സിക്യൂട്ടീവ് ഓഫീസറായി റെജിനാൾഡോ ഡിസൂസയെ നിയമിക്കുന്നതിന് അംഗീകാരം നൽകിയതായി അനുപ് എഞ്ചിനീയറിംഗ് അറിയിച്ചു.
25 വർഷത്തെ തന്റെ കരിയറിൽ റെജിനാൾഡോ ഡിസൂസ ഗോദ്‌റെജ് ആൻഡ് ബോയ്‌സ് മാനുഫാക്‌ചറിംഗ് കമ്പനിയിൽ ഒന്നിലധികം ചുമതലകൾ വഹിച്ചു. തന്റെ അവസാന റോളിൽ, ബിസിനസിനായുള്ള വിൽപ്പന, വിപണനം, എസ്റ്റിമേഷനുകൾ, ഐടി പ്രവർത്തനങ്ങൾ എന്നിവയ്ക്ക് അദ്ദേഹം നേതൃത്വം നൽകി.
എണ്ണ, വാതകം, പെട്രോകെമിക്കൽസ്, രാസവളങ്ങൾ, ഫാർമസ്യൂട്ടിക്കൽസ്, പവർ, പൾപ്പ്, എയ്‌റോസ്‌പേസ് എന്നിവയുൾപ്പെടെയുള്ള വ്യവസായങ്ങൾക്ക് ഹീറ്റ് എക്സ്ചേഞ്ചറുകൾ, റിയാക്ടറുകൾ, പ്രഷർ പാത്രങ്ങൾ, ടവറുകൾ, രൂപപ്പെട്ട ഘടകങ്ങൾ എന്നിവയുടെ വിപുലമായ ഉൽപ്പന്ന ശ്രേണി വാഗ്ദാനം ചെയുന്ന കമ്പനിയാണ് അനൂപ് എഞ്ചിനീയറിംഗ്.
അനുപ് എഞ്ചിനീയറിംഗ് ഓഹരികൾ 0.38 ശതമാനം ഇടിഞ്ഞ് 893.70 രൂപയിലെത്തി.
