മുംബൈ : ഇൻപുട്ടിന്റെയും പ്രവർത്തനച്ചെലവിന്റെയും വർദ്ധനവ് ചൂണ്ടിക്കാട്ടി അടുത്ത വർഷം ജനുവരി മുതൽ ഇന്ത്യയിൽ വാഹനങ്ങളുടെ വില 2 ശതമാനം വരെ വർദ്ധിപ്പിക്കുമെന്ന് ജർമ്മൻ ആഡംബര കാർ നിർമ്മാതാക്കളായ ഓഡി അറിയിച്ചു. വില വർധന 2024 ജനുവരി 1 മുതൽ പ്രാബല്യത്തിൽ വരുമെന്നും മോഡൽ ശ്രേണിയിൽ ഉടനീളം ഉണ്ടാകുമെന്നും ഓഡി ഇന്ത്യ പ്രസ്താവനയിൽ അറിയിച്ചു.
വർദ്ധിച്ചുവരുന്ന വിതരണ ശൃംഖലയുമായി ബന്ധപ്പെട്ട ഇൻപുട്ടും പ്രവർത്തന ചെലവും കാരണം, ബ്രാൻഡിന്റെ പ്രീമിയം പ്രൈസ് പൊസിഷനിംഗ് നിലനിർത്തിക്കൊണ്ട് മോഡൽ ശ്രേണിയിലുടനീളം വില തിരുത്തൽ കൊണ്ടുവന്നു .” ഓഡി ഇന്ത്യ ഹെഡ് ബൽബീർ സിംഗ് ധില്ലൺ പ്രസ്താവനയിൽ പറഞ്ഞു.
“ഓഡി ഇന്ത്യയ്ക്കും ഡീലർ പങ്കാളികൾക്കും സുസ്ഥിരമായ വളർച്ച ഉറപ്പാക്കാനാണ് വില തിരുത്തൽ ലക്ഷ്യമിടുന്നത്.
42.77 ലക്ഷം മുതൽ 2.22 കോടി രൂപ വരെ വിലയുള്ള ക്യു 3 എസ്‌യുവി മുതൽ സ്‌പോർട്‌സ് കാർ ആർഎസ്ക്യു8 വരെയുള്ള നിരവധി വാഹനങ്ങൾ ഓഡി ഇന്ത്യ വിൽക്കുന്നു.
