മുംബൈ: അവസാന സെഷനിലെ വാങ്ങല്‍ തുടര്‍ച്ചയായ രണ്ടാം ദിവസവും വിപണിയെ രക്ഷിച്ചു. ചാഞ്ചാട്ടം നിറഞ്ഞ ദിനത്തില്‍ സെന്‍സെക്‌സ് 65539.42 ലെവലിലും നിഫ്റ്റി 19465 ലെവലിലും ക്ലോസ് ചെയ്യുകയായിരുന്നു.യഥാക്രമം 137.50 പോയിന്റ് അഥവാ 0.21 ശതമാനവും 30.50 പോയിന്റ് അഥവാ 0.16 ശതമാനവുമാണ് ഇരു സൂചികകളും നേടിയത്.
1741 ഓഹരികള്‍ മുന്നേറിയപ്പോള്‍ 1763 ഓഹരികള്‍ തിരിച്ചടി നേരിട്ടു. 132 ഓഹരി വിലകളില്‍ മാറ്റമില്ല.അള്‍ട്രാടെക്ക്,അപ്പോളോ ഹോസ്പിറ്റല്‍സ്,എന്‍ടിപിസി,ഇന്‍ഫോസിസ്,ടാറ്റ മോട്ടോഴ്‌സ് എന്നിവയാണ് നിഫ്റ്റിയില്‍ മികച്ച നേട്ടമുണ്ടാക്കിയ ഓഹരികള്‍.
ടാറ്റ സ്റ്റീല്‍,അദാനി പോര്‍ട്ട്‌സ്,ഹിന്‍ഡാല്‍കോ,എച്ച്ഡിഎഫ്‌സി ലൈഫ്, ഭാരതി എയര്‍ടെല്‍ എന്നിവ നഷ്ടം നേരിട്ടു. മേഖലകളില്‍ ബാങ്ക്,മെറ്റല്‍ എന്നിവയൊഴികെയുള്ളവ ഉയര്‍ന്നപ്പോള്‍ വാഹനം,പവര്‍,റിയാലിറ്റി,ഐടി,ഫാര്‍മ,കാപിറ്റല്‍ ഗുഡ്‌സ് എന്നിവ 0.5-1 ശതമാനം കരുത്താര്‍ജ്ജിച്ചു. ബിഎസ്ഇ മിഡ്ക്യാപ് 0.2 ശതമാനവും സ്‌മോള്‍ക്യാപ് 0.5 ശതമാനവും നേട്ടത്തിലാണ് വ്യാപാരം അവസാനിപ്പിച്ചത്.
