മുംബൈ: കമ്പനിയുടെ അനുബന്ധ സ്ഥാപനമായ ബ്രൂക്സ് സ്റ്റെറിസയൻസിന്റെ (ബിഎസ്എൽ) മെറോപെനെം കുത്തിവയ്പ്പിന് യുഎസ്എഫ്ഡിഎയിൽ നിന്ന് അനുമതി ലഭിച്ചതായി ബ്രൂക്ക്സ് ലബോറട്ടറീസ് അറിയിച്ചു. ഈ അനുമതി ലഭിച്ച റിപ്പോർട്ടുകൾക്ക് പിന്നാലെ ബ്രൂക്ക്സ് ലബോറട്ടറീസിന്റെ ഓഹരികൾ 5% നേട്ടത്തിൽ 105.05 രൂപയിലെത്തി.
കമ്പനിയുടെ ഈ ഉൽപ്പന്നം പിഫിസർ ഇങ്കിന്റെ മേറ്രീം ഇഞ്ചക്ഷന് തുല്യമാണ്. യുണൈറ്റഡ് സ്റ്റേറ്റ്സ് ഫുഡ് ആൻഡ് ഡ്രഗ് അഡ്മിനിസ്‌ട്രേഷന്റെ (യുഎസ്എഫ്ഡിഎ) ഈ അംഗീകാരം, ലോകത്തിലെ ഏറ്റവും വലിയ ജനറിക് മാർക്കറ്റായ യുഎസിലേക്കുള്ള ബ്രൂക്‌സിന്റെ മുന്നേറ്റത്തെ അടയാളപ്പെടുത്തുന്നു.
ഇന്ത്യയിലെ വഡോദരയിലെ നിർമ്മാണ കേന്ദ്രത്തിലാണ് ബ്രൂക്ക്സ് അതിന്റെ കാർബപെനെം ശ്രേണിയിലുള്ള കുത്തിവയ്പ്പുകൾ നിർമ്മിക്കുന്നത്. ഈ സൗകര്യത്തിന് യൂറോപ്യൻ യൂണിയൻ ഉൾപ്പെടെയുള്ള നിരവധി നിയന്ത്രണ ഏജൻസികളുടെ അംഗീകാരമുണ്ട്.
മെറോപെനമിന്റെ കഴിഞ്ഞ പന്ത്രണ്ട് മാസത്തെ വിപണി വലുപ്പം 78 മില്യൺ ഡോളറാണ്. കമ്പനി ആൻറി ബാക്ടീരിയൽ, ആൻറി ബയോട്ടിക്സ്, ആൻറിഗ്യാസ്ട്രിക്, മലേറിയ, ജീവൻ രക്ഷാ മരുന്നുകൾ തുടങ്ങി വിഭാഗങ്ങളിൽ അതിന്റെ ഉൽപ്പന്നങ്ങൾ നിർമ്മിക്കുന്നു. കൂടാതെ 2022 ജൂണിൽ അവസാനിച്ച പാദത്തിൽ കമ്പനി 6.90 കോടി രൂപയുടെ ഏകീകൃത അറ്റാദായമാണ് റിപ്പോർട്ട് ചെയ്തത്.
