മൂന്നാം മോദിസർക്കാർ ഭരണത്തുടർച്ച നേടിയതിന് ശേഷമുള്ള രണ്ടാമത്തെ സമ്പൂർണ ബജറ്റ്. കുറഞ്ഞ സാമ്പത്തിക വളർച്ച പ്രതിസന്ധിയാകുന്ന സാഹചര്യത്തിലാണ് കേന്ദ്ര ബജറ്റ് എത്തിയത്.
ഇക്കണോമിക് സർവേ സൂചനകൾ അനുസരിച്ച് എന്തൊക്കെ പ്രഖ്യാപനങ്ങൾ ഇടത്തരക്കാ‍ർക്കായുണ്ടാകും? സാമ്പത്തിക വളർച്ച എങ്ങനെ ഉറപ്പാക്കും. കുതിച്ചുയരുന്ന പണപ്പെരുപ്പത്തിന് എങ്ങനെ തടയിടും തുടങ്ങിയ ഒട്ടേറെ ചോദ്യങ്ങളുണ്ട്. ഇന്നവേഷൻ, ഇൻക്ലൂഷൻ, ഇൻവെസ്റ്റ്മൻ്റ് തുടങ്ങിയ മൂന്നുകാര്യങ്ങൾക്ക് ബജറ്റ് ഊന്നൽ നൽകും എന്ന് പ്രധാനമന്ത്രി സൂചന ൽകിക്കഴിഞ്ഞു. ഇടത്തരക്കാർക്ക് നിരാശപ്പെടേണ്ടി വരില്ല എന്നും സൂചിപ്പിച്ചിരുന്നു.
കേന്ദ്ര ബജറ്റിലെ പ്രധാന പ്രഖ്യാപനങ്ങൾ ഒറ്റ നോട്ടത്തിൽ.
10 മേഖലകൾക്ക് ബജറ്റിൽ ഊന്നൽ നൽകുമെന്ന് പ്രഖ്യാപനം. ഗ്രാമീണ മേഖല, കാർഷിക മേഖല, യുവാക്കൾ, എംഎസ്ഇ, നിക്ഷേപങ്ങൾ, കയറ്റുമതി തുടങ്ങിയ പ്രധാന മേഖലകൾക്ക് പ്രധാന്യം നൽകും
കാർഷിക മേഖല ശക്തിപ്പെടുത്തും.
100 കാർഷിക വികസന കേന്ദ്രങ്ങൾ പുതിയതായി തുടങ്ങും. ഗ്രാമീണ മേഖലയിൽ കൂടുതൽ തൊഴിൽ ഉറപ്പാക്കും. കർഷക സഹകരണ സംഘങ്ങൾക്ക് സഹായം നൽകും. കാർഷിക മേഖലയിലെ ഗവേഷണത്തിനായി പുതിയ പദ്ധതി.
കിസാൻ ക്രെഡിറ്റ് കാർഡ് ലോണുകൾ ഉയർത്തി. പലിശ ഇളവോടെ അഞ്ചു ലക്ഷം രൂപ വരെ ലോൺ. നേരത്തെ ഇത് മൂന്നുലക്ഷം രൂപയായിരുന്നു.
എംഎസ്എംഇ മേഖലക്കായി അഞ്ചുപദ്ധതികൾ.
44 ശതമാനവും രാജ്യത്തിൻ്റെ കയറ്റുമതി എംഎസ്എംഇ മേഖലയിൽ നിന്നാണ്. എംസ്എംഇ മേഖലയുടെ ക്ലാസിഫിക്കേഷനിൽ വീണ്ടും മാറ്റം. ക്രെഡിറ്റ് ഗ്യാരൻ്റ് പദ്ധതി സഹായം വീണ്ടും ഉയർത്തി. 10 കോടി രൂപയിൽ നിന്ന് 20 കോടി രൂപയായി സ്റ്റാർട്ടപ്പുകളുടെ വായ്പാ പരിധി ഉയർത്തി. സ്റ്റാർട്ടപ്പുകൾക്ക് ധനസഹായത്തിനായി പുതിയ പദ്ധതി. പുതിയ മേഖലകളിലെ ബിസിനസുകൾക്കും ധനസഹായം ലഭിക്കും. വനിതകൾക്കായി പ്രത്യേക വായ്പ. എസ്സി, എസ്ടി വിഭാഗങ്ങൾക്ക് പ്രത്യേക പരിഗണന ലഭിക്കും. രണ്ടുകോടി രൂപ വരെ വായ്പ അനുവദിക്കും. ചെറുകിട വ്യാപാരികൾക്കും പ്രത്യേക ധനസഹായം.
അങ്കണവാടികൾക്കായി പ്രത്യേക പദ്ധതി.
ന്യൂക്ലിയർ മേഖലയിൽ സ്വകാര്യ പങ്കാളിത്തം വരും
നിർമാണ മേഖലയിൽ പ്രത്യേക പദ്ധതി. മെയിഡ് ഇൻ ഇന്ത്യ ക്യാപെയ്ൻ ശക്തിപ്പെടുത്തും.
ലക്ഷദ്വീപിനും ആൻഡദ്വീപിനും ബീഹാറിനും പരിഗണന. ഐഐടി പറ്റ്ന സ്ഥാപിക്കും. പുതിയ ഗ്രീൻ എയർപോർട്ടുകൾ ബീഹാറിൽ കൊണ്ടുവരും.
നൈപുണ്യവികസനത്തിനായി പ്രത്യേക സെൻ്ററുകൾ സ്ഥാപിക്കും.
സമുദ്രഗവേഷണ പദ്ധതികൾ. സർക്കാർ മെഡിക്കൽ കോളേജുകളിൽ കൂടുതൽ സീറ്റുകൾ. ജില്ലാ ആശുപത്രികളിൽ കാൻസർ സെൻ്ററുകൾ.
ന്യൂക്ലിയർ രംഗത്ത് സ്വകാര്യപങ്കാളിത്തം
ഗതാഗത രംഗം പരിഷ്കരിക്കാൻ ഉഡാൻ പദ്ധതി വിപുലീകരിക്കും. ഗ്രാമീണ മേഖലയിലെ ഗതാഗതം സുഗമമാക്കുന്നതിന് പ്രത്യേക പദ്ധതി. ഹെലിപ്പാഡുകളും, ചെറിയ എയർപോർട്ടുകളും വികസിപ്പിക്കും. 10 വർഷത്തിനുള്ളിൽ 100 വിമാനത്താവളങ്ങൾ.
സംസ്ഥാനങ്ങൾക്ക് പലിശരഹിത വായ്പ
സംസ്ഥാനങ്ങൾക്ക് 50 വർഷത്തേക്ക് പലിശ പലിശരഹിത വായ്പ.
ഡിജിറ്റൽ പബ്ലിക് ഇൻഫ്രാസ്ട്രക്ചർ/ എഐ
എഐ വിദ്യാഭ്യാസത്തിനായി പുതിയ കേന്ദ്രങ്ങൾ വരും.
ട്രേഡിങ് ഇലക്ട്രോണിക് രേഖകൾക്കായി ഡിജിറ്റൽ പബ്ലിക് ഇൻഫ്രാസ്ട്രക്ചർ വികസിപ്പിക്കും. ഈ രംഗത്ത് രാജ്യാന്തര നിലവാരം ഉറപ്പാക്കും. നികുതി റിട്ടേണുകൾക്കായി സെൽഫ് അസസ്മന്റ് പ്രോത്സാഹിപ്പിക്കാൻ നടപടി.
എഐ വ്യദ്യാഭ്യാസത്തിനായി 500 കോടി രൂപ അനുവദിക്കും. പുതിയ കന്ദ്രം തുടങ്ങും.
മെഡിക്കൽ ടൂറിസം പ്രോത്സാഹിപ്പിക്കും. ടൂറിസം രംഗത്ത് കൂടുതൽ നിക്ഷേപങ്ങൾ കൊണ്ടുവരും.
സ്വകാര്യപങ്കാളിത്തത്തോടെ 50 ടൂറിസം കേന്ദ്രങ്ങൾ
ഇൻഷുറൻസ് മേഖലയിൽ പരിഷ്കരണം.
പുതിയ ആദായ നികുതി ബില്ല് അവതരിപ്പിക്കും.
കയറ്റുമതി പ്രോത്സാഹിപ്പിക്കും.
ജീവൻ രക്ഷാ മരുന്നുകൾക്ക് നികുതി ഇളവ്. 36 ജീവൻ രക്ഷാ മരുന്നുകളെയാണ് കസ്റ്റംസ് ഡ്യൂട്ടിയിൽ നിന്ന് ഒഴിവാക്കിയത്.
ലിഥിയം ബാറ്ററികളെ കസ്റ്റംസ് തീരുവയിൽ നിന്ന് ഒഴിവാക്കി.
ആദായ നികുതി ഘടന എളുപ്പമാകും
നികുതി ദായകരുടെ പ്രശ്നങ്ങൾ പരിഹരിക്കും. മുതിർന്ന പൗരൻമാർക്ക് നികുതി ഇളവ് നൽകും. ടിഡിഎസ് ഘടന പരിഷ്കരിക്കും. റിവൈസ്ഡ് റിട്ടേണുകൾക്കായി കൂടുതൽ കാലാവധി നൽകും. മുതിർന്ന പൗരൻമാരുടെ സ്റ്റാൻഡേർഡ് ഡിഡക്ഷൻ ഒരു ലക്ഷം രൂപയായി ഉയർത്തി.
മധ്യവർഗത്തിന് നികുതി ഇളവ്
പുതിയ സ്ലാബ് തെരഞ്ഞെടുത്തിരിക്കുന്നവർക്ക് 12 ലക്ഷം രൂപ വരെ നികുതി ഇളവ് ലഭിക്കും. 12 ലക്ഷം രൂപ വരെ വരുമാനമുള്ളവർ ഇനി നികുതി നൽകേണ്ട. ടാക്സ് സ്ലാബ് പരിഷ്കരിക്കും
