ന്യൂ ഡൽഹി : 15000 വനിതാ സ്വയം സഹായ അംഗങ്ങൾക്ക് ഡ്രോണുകൾ നല്കുന്ന കേന്ദ്ര പദ്ധതിക്ക് കേന്ദ്ര മന്ത്രിസഭ അനുമതി നൽകിയതായി റിപ്പോർട്ട് . കാർഷിക ആവശ്യങ്ങൾക്ക് കർഷകർക്ക് വാടക സേവനങ്ങൾ നൽകുന്നതിനായി 2024 മുതൽ 2026 വരെ തിരഞ്ഞെടുത്ത 15,000 വനിതാ സ്വയം സഹായ സംഘങ്ങൾക്ക് ഡ്രോണുകൾ നൽകാനാണ് പദ്ധതി ലക്ഷ്യമിടുന്നതെന്ന് കേന്ദ്ര മന്ത്രി അനുരാഗ് താക്കൂർ പറഞ്ഞു.
വനിതാ സ്വയം സഹായ സംഘങ്ങളെ ശാക്തീകരിക്കുന്നതോടൊപ്പം ഡ്രോൺ സാങ്കേതികവിദ്യ കാർഷിക മേഖലയുമായി സമന്വയിപ്പിക്കുകയാണ് ഈ സംരംഭം ലക്ഷ്യമിടുന്നത് . കൃഷി, കർഷക ക്ഷേമ വകുപ്പ്, ഗ്രാമവികസന വകുപ്പ്, വളം വകുപ്പ്, വനിതാ എസ്എച്ച്ജികൾ, ലീഡ് ഫെർട്ടിലൈസർ കമ്പനികൾ എന്നിവയ്‌ക്കൊപ്പം സഹകരിച്ചുള്ള ശ്രമങ്ങൾ ഇതിൽ ഉൾപ്പെടുന്നു.
ഡ്രോൺ ഉപയോഗത്തിന് സാമ്പത്തികമായി ലാഭകരമായ ക്ലസ്റ്ററുകൾ കണ്ടെത്തും, തിരഞ്ഞെടുത്ത സംസ്ഥാനങ്ങളിലെ 15,000 വനിതാ സ്വയം സഹായ അംഗങ്ങൾക്ക് കേന്ദ്ര സാമ്പത്തിക സഹായം ലഭിക്കുന്നു.
ഡ്രോൺ ചെലവിന്റെ 80% സർക്കാരിൽ നിന്നും ,[ 8 ലക്ഷം രൂപ വരെ] . ബാക്കി തുക നാഷണൽ അഗ്രികൾച്ചർ ഇൻഫ്രാ ഫിനാൻസിംഗ് ഫെസിലിറ്റിക്ക് കീഴിൽ 3% പലിശ ഇളവോടെ വായ്പയായി സമാഹരിക്കാം.
കാര്യക്ഷമത ഉറപ്പാക്കാൻ, തിരഞ്ഞെടുത്ത വനിതാ സ്വയം സഹായ അംഗങ്ങൾക്ക് 15 ദിവസത്തെ പരിശീലന പരിപാടി നിർബന്ധമാക്കും. പ്രോഗ്രാമിൽ ഡ്രോൺ പൈലറ്റ് പരിശീലനവും അധിക കാർഷിക കേന്ദ്രീകൃത പരിശീലനവും ഉൾപ്പെടുന്നു.
“സ്‌കീമിന് കീഴിലുള്ള അംഗീകൃത സംരംഭങ്ങൾ 15,000 വനിതാ സ്വയം സഹായ അംഗങ്ങൾക്ക് സുസ്ഥിരമായ ബിസിനസ്സും ഉപജീവന പിന്തുണയും നൽകുമെന്നും അവർക്ക് പ്രതിവർഷം ഒരു ലക്ഷം രൂപയെങ്കിലും അധിക വരുമാനം നേടാനും കഴിയുമെന്ന് ,” പത്രക്കുറിപ്പിൽ പറയുന്നു.
