മുംബൈ: 2022 ജൂൺ 30 ന് അവസാനിച്ച പാദത്തിൽ ഉയർന്ന മൂല്യമുള്ള വിൽപ്പനയുടെ പിൻബലത്തിൽ കോൾ ഇന്ത്യ ലിമിറ്റഡിന്റെ ഏകീകൃത അറ്റാദായം കഴിഞ്ഞ വർഷം ഇതേ കാലയളവിലെ 3,174 കോടി രൂപയിൽ നിന്ന് 178 ശതമാനം ഉയർന്ന് 8,834 കോടി രൂപയായി വർധിച്ചു.
ഏകീകൃത അടിസ്ഥാനത്തിൽ കമ്പനിയുടെ അറ്റ വിൽപ്പന 40 ശതമാനം വർധിച്ച് 32,498 കോടി രൂപയായി. സർക്കാർ ഉടമസ്ഥതയിലുള്ള കമ്പനി ഉൽപ്പാദനത്തിൽ 29 ശതമാനം വർധന രേഖപ്പെടുത്തി, 159.75 ദശലക്ഷം ടണ്ണായിരുന്നു ഈ പാദത്തിലെ കമ്പനിയുടെ ഉത്പാദനം. സമാനമായി കോൾ ഇന്ത്യയുടെ കൽക്കരി ഉപയോഗം 11 ശതമാനം ഉയർന്ന് 177.49 മില്ല്യൺ ആയി.
ഈ വർഷം ഇന്ധന വിതരണ കരാർ വഴി 153.80 മില്യൺ ടൺ കൽക്കരി സിഐഎൽ വിറ്റു, ഇത് ഏകദേശം 22,188 കോടി രൂപയുടെ അറ്റ വിൽപ്പന രേഖപ്പെടുത്തി. ഇ-ലേലത്തിലൂടെ വിറ്റഴിഞ്ഞ കൽക്കരിയുടെ അളവ് 20.91 മില്ല്യൺ ടണ്ണിനടുത്ത് കുറഞ്ഞപ്പോൾ, ശരാശരി സാക്ഷാത്കാരം ടണ്ണിന് 4,339.97 രൂപ എന്ന നിരക്കിൽ ഇരട്ടിയിലധികമായി. ഇ-ലേലം വഴി ഏകദേശം 9,074.65 കോടി രൂപയുടെ അറ്റ വിൽപ്പനയാണ് സിഐഎൽ നേടിയത്.
അതേസമയം കമ്പനിയുടെ മറ്റ് വരുമാനം 46 ശതമാനം വർധിച്ച് 995 കോടി രൂപയായപ്പോൾ മൊത്തം വരുമാനം 39 ശതമാനം വർധിച്ച് 36,081 കോടി രൂപയായി. കമ്പനിയുടെ ഓഹരികൾ ബിഎസ്‌ഇയിൽ 0.30 ശതമാനത്തിന്റെ നേരിയ നേട്ടത്തിൽ 219.85 രൂപയിലാണ് വ്യാപാരം നടത്തുന്നത്.
