ബാംഗ്ലൂർ: ക്രിപ്റ്റോ ടാക്സ് പ്ലാറ്റ്‌ഫോമായ കോയിൻഎക്‌സ്, പോളിഗോൺ സ്ഥാപകൻ സന്ദീപ് നെയിൽവാൾ, ഐസീഡ് ഫണ്ട്, ക്യുബ് വിസി, മറ്റ് ഏഞ്ചൽ നിക്ഷേപകർ എന്നിവരിൽ നിന്ന് 1.5 മില്യൺ ഡോളറിന്റെ സീഡ് ഫണ്ടിംഗ് സമാഹരിച്ചു. പുനിത് അഗർവാൾ സ്ഥാപിച്ച കോയിൻഎക്‌സ് റീട്ടെയിൽ ക്രിപ്റ്റോ നിക്ഷേപകരെ അവരുടെ പോർട്ട്‌ഫോളിയോകളും ഇടപാടുകളും ഒരൊറ്റ പ്ലാറ്റ്‌ഫോമിൽ സംയോജിപ്പിച്ച് ഒരു ഏകീകൃത ഡാഷ്‌ബോർഡ് നൽകിക്കൊണ്ട് അവരുടെ നികുതികൾ ഓട്ടോമേറ്റ് ചെയ്യാൻ സഹായിക്കുന്നു. കോയിൻഡിസിഎക്‌സ്, ബിനാൻസ്, വാൾഡ്, വസീർഎക്‌സ് തുടങ്ങിയ പ്രമുഖ ക്രിപ്റ്റോ എക്‌സ്‌ചേഞ്ചുകളുമായി ഇത് പങ്കാളിത്തത്തിൽ ഏർപ്പെട്ടിട്ടുണ്ട്.
കോയിൻഎക്‌സിന്റെ പ്രധാന മൂല്യം തങ്ങളുടെ ഉപഭോക്താക്കൾക്കുള്ള ലാളിത്യത്തിലും എളുപ്പത്തിലുമാണെന്നും, ക്രിപ്റ്റോ നിക്ഷേപകർക്ക് അവരുടെ നികുതി സംബന്ധമായ പ്രശ്‌നങ്ങൾ ഒറ്റയടിക്ക് പരിഹരിക്കാൻ കഴിയുന്ന തരത്തിലാണ് തങ്ങളുടെ പ്ലാറ്റ്ഫോം നിർമ്മിച്ചിരിക്കുന്നതെന്നും കമ്പനി അറിയിച്ചു. കൂടാതെ തങ്ങളുടെ പ്ലാറ്റ്ഫോം സുരക്ഷിതമായ പ്രോട്ടോക്കോളുകളിൽ നിർമ്മിച്ചിരിക്കുന്നതാണെന്നും, തങ്ങളുടെ ഉപയോക്താക്കളുടെ ഐഡന്റിറ്റികളും മറ്റ് വിവരങ്ങളും വിപുലമായ എൻക്രിപ്ഷൻ ടെക്നിക്കുകളിലൂടെ പരിരക്ഷിക്കപ്പെട്ടിട്ടുണ്ടെന്നും കോയിൻഎക്‌സ് പറഞ്ഞു.
ഈ സാമ്പത്തിക വർഷത്തിന്റെ രണ്ടാം പാദത്തിൽ അതിന്റെ പ്രവർത്തനങ്ങൾ സ്കെയിൽ ചെയ്യുന്നതിനും അഞ്ച് ലക്ഷത്തിലധികം ക്രിപ്റ്റോ നിക്ഷേപകരിലേക്ക് എത്തുന്നതിനും ഈ ഫണ്ടുകൾ ഉപയോഗിക്കാൻ സ്റ്റാർട്ടപ്പ് പദ്ധതിയിടുന്നു.
