മുംബൈ: യുഎസ്, സിംഗപ്പൂർ, യൂറോപ്പ് എന്നിവിടങ്ങളിൽ നിന്നുള്ള മാർക്യൂ നിക്ഷേപകരിൽ നിന്നും ഇന്ത്യൻ ഏഞ്ചൽ നിക്ഷേപകരിൽ നിന്നും സീരീസ് എ ഫണ്ടിംഗിൽ 4.7 മില്യൺ ഡോളർ സമാഹരിച്ചതായി ബാങ്കിംഗ്, പേയ്‌മെന്റ് എപിഐ ഇൻഫ്രാസ്ട്രക്ചർ കമ്പനിയായ ഡിസെൻട്രോ അറിയിച്ചു.
സിംഗപ്പൂർ ആസ്ഥാനമായുള്ള റാപ്പിഡ് വെഞ്ചേഴ്‌സും യൂറോപ്പിൽ നിന്നുള്ള ലിയോണിസ് വിസിയും യുഎസിലെ കാലിഫോർണിയ ആസ്ഥാനമായി പ്രവർത്തിക്കുന്ന അൺകോറിലേറ്റഡ് വെഞ്ചേഴ്‌സും ചേർന്നാണ് ഈ ഫണ്ടിംഗ് റൗണ്ടിന് നേതൃത്വം നൽകിയതെന്ന് ബെംഗളൂരു ആസ്ഥാനമായുള്ള ഫിൻടെക് സ്റ്റാർട്ടപ്പ് അറിയിച്ചു.
ക്രെഡ് സ്ഥാപകൻ കുനാൽ ഷാ, ഗ്രോവ് സ്ഥാപകൻ കെഷ്രെ, ഗുപ്‌ഷുപ്പ് സഹസ്ഥാപകൻ ബീറൂദ് ഷെത്ത്, ഭാരത്‌പേയുടെ മുൻ സിബിഒ പ്രതേക് അഗർവാൾ എന്നിവരും ഈ ഫണ്ടിങ്ങിൽ പങ്കാളികളായി.
ഉൽപ്പന്നങ്ങൾ, ടെക്, ഓപ്പറേഷൻസ് ടീമുകൾ എന്നിവയിലുടനീളമുള്ള നിയമന പ്രക്രിയകളെ സഹായിക്കുന്നതിന് ഈ ഫണ്ടുകൾ ഉപയോഗിക്കുമെന്ന് ഡിസെൻട്രോ പ്രസ്താവനയിൽ പറഞ്ഞു. കൂടാതെ ഈ ഫണ്ട് വലിയ എന്റർപ്രൈസ് പ്ലാറ്റ്‌ഫോമുകളിലേക്കും പുതിയ തരം ധനകാര്യ സ്ഥാപനങ്ങളിലേക്കും അതിന്റെ അടിത്തറ വികസിപ്പിക്കാൻ ഉപയോഗിക്കുമെന്നും കമ്പനി കൂട്ടിച്ചേർത്തു.
ഡിസെൻട്രോയുടെ പ്ലാറ്ഫോം ബാങ്കിംഗ്, പേയ്‌മെന്റുകൾ, ഫിൻടെക് വർക്ക്ഫ്ലോകൾ എന്നിവയെ സംയോജിപ്പിക്കാൻ കമ്പനികളെ സഹായിക്കുന്നു.
