ന്യൂഡല്‍ഹി: ഐഷര്‍ മോട്ടോഴ്സ് ലിമിറ്റഡ് നാലാംപാദത്തില്‍ 905 കോടി രൂപ അറ്റാദായം റിപ്പോര്‍ട്ട് ചെയ്തു. മുന്‍പാദത്തെ അപേക്ഷിച്ച് 48 ശതമാനം കൂടുതലാണിത്. മാത്രമല്ല, പ്രതീക്ഷകളെ മറികടക്കാനും സാധിച്ചു.
810 കോടി രൂപ മാത്രമാണ് വിദഗ്ധര്‍ പ്രതീക്ഷിച്ചിരുന്നത്. 3804 കോടി രൂപയാണ് വരുമാനം. മുന്‍വര്‍ഷത്തെ സമാന പാദത്തെ അപേക്ഷിച്ച് 19 ശതമാനം അധികം.
അതും പ്രതീക്ഷിച്ചതിനേക്കാള്‍ കൂടുതലാണ്. 3718 കോടി രൂപ വരുമാനമാണ് കണക്കുകൂട്ടിയിരുന്നത്. മാത്രമല്ല വരുമാനം സര്‍വകാല ഉയരത്തിലാണ്.
ഇതോടെ തുടര്‍ച്ചയായ അഞ്ചാംപാദത്തില്‍ പോസിറ്റീവ് വരുമാനം രേഖപ്പെടുത്താന്‍ കമ്പനിയ്ക്കായി. ഇബിറ്റ 23 ശതമാനം ഉയര്‍ന്ന് 934 കോടി രൂപയായപ്പോള്‍ 37 രൂപയുടെ ലാഭവിഹിതം പ്രഖ്യാപിക്കാന്‍ കമ്പനി തയ്യാറായിട്ടുണ്ട്. പ്രധാന ബ്രാന്‍ഡായ റോയല്‍ എന്‍ഫീല്‍ഡ് വില്‍പന 18 ശതമാനം ഉയര്‍ന്നു. 2.14 യൂണിറ്റ് റോയല്‍ എന്‍ഫീല്‍ഡ് യൂണിറ്റുകളാണ് നിരത്തിലിറങ്ങിയത്.
