മുംബൈ: 5G സ്റ്റാൻഡ്‌എലോൺ (എസ്‌എ) നെറ്റ്‌വർക്ക് പുറത്തിറക്കുന്നതിന് റിലയൻസ് ജിയോയുമായി ദീർഘകാല തന്ത്രപരമായ 5G കരാർ പ്രഖ്യാപിച്ച് ടെലികോം ഗിയർ നിർമ്മാതാക്കളായ എറിക്‌സൺ.
രാജ്യത്ത് റേഡിയോ ആക്‌സസ് നെറ്റ്‌വർക്ക് വിന്യാസത്തിനായി ഉള്ള ജിയോയും എറിക്‌സണും തമ്മിലുള്ള ആദ്യ പങ്കാളിത്തമാണിത്. ജിയോയുടെ 5G എസ്‌എ റോൾഔട്ടിനായി എറിക്‌സണുമായി പങ്കാളിത്തത്തിൽ ഏർപ്പെടുന്നതിൽ ഞങ്ങൾക്ക് സന്തോഷമുണ്ടെന്നും. ജിയോയുടെ 5G നെറ്റ്‌വർക്ക് ഇന്ത്യയുടെ ഡിജിറ്റലൈസേഷനെ ത്വരിതപ്പെടുത്തുമെന്നും റിലയൻസ് ജിയോ ചെയർമാൻ ആകാശ് അംബാനി പറഞ്ഞു.
നിലവിൽ മുംബൈ, ഡൽഹി, വാരാണസി, കൊൽക്കത്ത എന്നിവിടങ്ങളിൽ മാത്രമാണ് ജിയോ 5ജി ലഭ്യമാകുന്നത്. 2022 ഒക്‌ടോബർ ഒന്നിന് ഇന്ത്യ മൊബൈൽ കോൺഗ്രസിന്റെ (ഐഎംസി) ആറാമത് എഡിഷനിലാണ് പ്രധാനമന്ത്രി നരേന്ദ്ര മോദി 5ജി സേവനങ്ങൾ ഉദ്ഘടാനം ചെയ്തത്.
