ന്യൂയോര്‍ക്ക്: യുഎസ് സെന്‍ട്രല്‍ ബാങ്ക്, അതിന്റെ ബെഞ്ച്മാര്‍ക്ക് പലിശ നിരക്ക് 5.25 ശതമാനത്തിലേയ്ക്ക് ഉയര്‍ത്തി. അതേസമയം കൂടുതല്‍ നിരക്ക് വര്‍ദ്ധനവുണ്ടാകുമെന്ന പ്രസ്താവനയില്‍ നിന്ന് പിന്മാറാന്‍ ഫെഡ് റിസര്‍വ് തയ്യാറായിട്ടുണ്ട്. എങ്കിലും നിരക്ക് വര്‍ദ്ധിപ്പിക്കാനുള്ള സാധ്യത ഫെഡ് റിസര്‍വ് തള്ളികളയുന്നില്ല.
പണനയം ചെലുത്തിയ സ്വാധീനം പരിഗണിച്ചായിരിക്കും ജൂണില്‍ പോളിസി നിരക്ക് നിശ്ചയിക്കുക. പണപ്പെരുപ്പം ഇപ്പോഴും ആശങ്കാജനകമാണ്, ഫെഡ് റിസര്‍വ് ചെയര്‍ ജെറോമി പവല്‍ പറഞ്ഞു. മാര്‍ച്ച് 2022 ന് ശേഷം 5 ശതമാനം നിരക്ക് വര്‍ദ്ധനവിന് ഫെഡ് റിസര്‍വ് തയ്യാറായി.
അതിന്റെ പ്രത്യാഘാതങ്ങള്‍ എന്തായിരിക്കുമെന്ന് വിലയിരുത്തുകയായിരിക്കും വരുന്ന ഒരു മാസത്തെ ഫെഡ് റിസര്‍വ് ദൗത്യം. ലക്ഷ്യത്തിന് തൊട്ടടുത്താണ് കേന്ദ്രബാങ്കുള്ളതെന്നും കൂടുതല്‍ വര്‍ദ്ധനവ് ആവശ്യമാണോ എന്നത് ഒരു തുറന്ന ചോദ്യമാണെന്നും പവല്‍ പറയുന്നു.
