ന്യൂഡല്‍ഹി: എഫ്എംസിജി സ്മോള്‍ക്യാപ് കമ്പനി ബിസിഎല്‍ ഇന്‍ഡസ്ട്രീസ് 1:10 അനുപാതത്തില്‍ ഓഹരി വിഭജനം പ്രഖ്യാപിച്ചു. റെക്കോര്‍ഡ് തീയതി പിന്നീട് പ്രഖ്യാപിക്കും. 10 രൂപ മുഖവിലയുള്ള ഓഹരിയ്ക്ക് 5 രൂപ ലാഭവിഹിതത്തിനും കമ്പനി ബോര്‍ഡ് ശുപാര്‍ശ നല്‍കിയിട്ടുണ്ട്.
ഒരു മിത്തല്‍ ഗ്രൂപ്പ് കമ്പനിയായ ബിസിഎല്‍ വിവിധ തരം ഭക്ഷ്യഎണ്ണകള്‍ ഉത്പാദിപ്പിച്ച് വിതരണം ചെയ്യുന്നു. അതിന് പുറമെ എഥനോള്‍ ന്യൂട്രല്‍ ആല്‍ക്കഹോള്‍, ലിക്വര്‍ എന്നിവയും ഉത്പന്നങ്ങളായുണ്ട്. ഈയിടെ റിയല്‍ എസ്റ്റേറ്റ് മേഖലയിലേയ്ക്കും ചുവടുവച്ചു.
കഴിഞ്ഞ 2 വര്‍ഷത്തില്‍ 108 ശതമാനം ഉയര്‍ന്ന ഓഹരിയാണ് കമ്പനിയുടേത്. നടപ്പ് വര്‍ഷത്തില്‍ 40 ശതമാനം നേട്ടമുണ്ടാക്കി.
