ന്യൂ ഡൽഹി : 2023 ജനുവരി 1 മുതൽ ഒരു വർഷത്തേക്ക് പ്രധാനമന്ത്രി ഗരീബ് കല്യാൺ യോജനയ്ക്ക് (പിഎംജികെഎവൈ) കീഴിൽ 80 കോടിയിലധികം ആളുകൾക്ക് സൗജന്യമായി ഭക്ഷ്യധാന്യങ്ങൾ നൽകുമെന്ന് കേന്ദ്രം അറിയിച്ചു. അടുത്തിടെ ഛത്തീസ്ഗഡിൽ വെച്ചുനടന്ന ഒരു പൊതു റാലിയെ അഭിസംബോധന ചെയ്തുകൊണ്ട് സർക്കാരിന്റെ സൗജന്യ റേഷൻ പദ്ധതിയായ പിഎംജികെവൈ അടുത്ത അഞ്ച് വർഷത്തേക്ക് കൂടി നീട്ടിയതായി പ്രധാനമന്ത്രി നരേന്ദ്ര മോദി പ്രഖ്യാപിച്ചു .പ്രഖ്യാപനം തിരഞ്ഞെടുപ്പ് പെരുമാറ്റച്ചട്ടത്തിന്റെ ലംഘനമാണെന്ന് പ്രതിപക്ഷമായ കോൺഗ്രസ് പാർട്ടി ആരോപിച്ചു.
2023 ജനുവരി 1 മുതൽ ആരംഭിക്കുന്ന ഒരു വർഷത്തേക്ക് അന്ത്യോദയ അന്ന യോജന (AAY) കുടുംബങ്ങൾക്കും മുൻഗണനാ കുടുംബങ്ങൾക്കും ( PHH ) ഗുണഭോക്താക്കൾക്കും പിഎംജികെഎവൈ ന് കീഴിൽ കേന്ദ്രം സൗജന്യമായി ഭക്ഷ്യധാന്യങ്ങൾ നൽകുന്നുണ്ടെന്ന് ഔദ്യോഗിക പ്രസ്താവനയിൽ ഭക്ഷ്യ മന്ത്രാലയം അറിയിച്ചു. .”
അധിക ഭക്ഷ്യധാന്യങ്ങൾ സൗജന്യമായി നൽകുന്നതിനായി 2020ൽ ആരംഭിച്ച പിഎംജികെഎയെ ദേശീയ ഭക്ഷ്യസുരക്ഷാ നിയമങ്ങൾ (എൻഎഫ്എസ്എ) ഉൾപ്പെടുത്താൻ കഴിഞ്ഞ ഡിസംബറിൽ കേന്ദ്രം തീരുമാനിച്ചു.
ഗ്രാമീണ ജനസംഖ്യയുടെ 75 ശതമാനവും നഗരങ്ങളിലെ ജനസംഖ്യയുടെ 50 ശതമാനവും അന്ത്യോദയ അന്ന യോജന (എഎവൈ), മുൻഗണനാ കുടുംബങ്ങൾ. എന്നീ രണ്ട് വിഭാഗങ്ങൾക്ക് കീഴിലാണ് .
പാവപ്പെട്ട ഗുണഭോക്താക്കളുടെ സാമ്പത്തിക ബാധ്യത ഇല്ലാതാക്കുന്നതിനും ദേശീയ ഏകീകൃതവും എൻഎഫ്എസ്എ (2013) ഫലപ്രദമായി നടപ്പാക്കുന്നതും ഉറപ്പാക്കുന്നതിനാണ് സൗജന്യ ഭക്ഷ്യധാന്യ വിതരണം നടത്തുന്നതെന്ന് മന്ത്രാലയം അറിയിച്ചു.
ദരിദ്രർക്ക് അർഹമായ ഭക്ഷ്യധാന്യങ്ങളുടെ പ്രവേശനക്ഷമത, താങ്ങാനാവുന്ന വില, ലഭ്യത എന്നിവയിൽ എൻഎഫ്എസ്എയുടെ വ്യവസ്ഥകൾ ശക്തിപ്പെടുത്തുതാൻ തീരുമാനമെന്നും വ്യക്തമാക്കി.
ഈ രണ്ട് ഭക്ഷ്യ സബ്‌സിഡി സ്കീമുകളും എൻഎഫ്എസ്എയുടെ കാര്യക്ഷമവും ഏകീകൃതവുമായ നടപ്പാക്കലിനും രാജ്യത്തെ ഭക്ഷ്യസുരക്ഷാ ശൃംഖല ശക്തിപ്പെടുത്തുന്നതിനുമായി പ്രധാനമന്ത്രി ഗരീബ് കല്യാൺ അന്ന യോജന (പിഎംജികെഎവൈ) എന്ന പേരിൽ ഉൾപ്പെടുത്തിയിട്ടുണ്ട്.
“ഈ സ്കീമിന് കീഴിൽ, 2023 ജനുവരി 1 മുതൽ ടാർഗെറ്റഡ് പബ്ലിക് ഡിസ്ട്രിബ്യൂഷൻ സിസ്റ്റം (TPDS) വഴി സൗജന്യ ഭക്ഷ്യധാന്യങ്ങൾ വിതരണം ചെയ്യുന്നു.എൻഎഫ്എസ്എ ഗുണഭോക്താക്കൾക്ക് സൗജന്യമായി ഭക്ഷ്യധാന്യങ്ങൾ ഉണ്ടാക്കുന്നതിനുള്ള അധിക ചെലവ് ഇന്ത്യാ ഗവൺമെന്റ് വഹിക്കുന്നു,”
