ന്യൂഡൽഹി: രാജ്യത്തെ റൂഫ്‌ടോപ്പ് സോളാർ വ്യവസായത്തിലെ മുൻനിരയിലുള്ള ഫ്രെയർ എനർജി, തങ്ങളുടെ പത്താം വാർഷികാഘോഷങ്ങളോടനുബന്ധിച്ചുള്ള റീബ്രാൻഡിങ്ങിൻ്റെ ഭാഗമായി പുതിയ ലോഗോ അവതരിപ്പിച്ചു.
ഫ്രെയർ എനർജിയുടെ സഹസ്ഥാപകയും ഡയറക്ടറുമായ രാധിക ചൗധരി പറയുന്നതനുസരിച്ച്, “സൗരോർജ്ജം സ്വീകരിക്കുന്നതിനുള്ള പാത ഇപ്പോൾ എന്നത്തേക്കാളും എളുപ്പമുള്ളതാണ്.
ഒരു ദശാബ്ദത്തിലേറെയായി റൂഫ്‌ടോപ്പ് സോളാറിൽ, ശുദ്ധവും ചെലവ് കുറഞ്ഞതുമായ ഊർജ്ജം എത്തിക്കുന്നതിനുള്ള ഞങ്ങളുടെ പ്രതിബദ്ധത അചഞ്ചലമായി തുടരുന്നു. ഞങ്ങളുടെ നേട്ടങ്ങളിൽ അഭിമാനിക്കുകയും സുസ്ഥിര ഊർജ്ജ പരിഹാരങ്ങളുടെ വഴിയിൽ തുടരാൻ പ്രേരിപ്പിക്കപ്പെടുകയും ചെയ്യുന്നു.”
പുതിയ ലോഗോയിലെ ഇൻഫിനിറ്റി ചിഹ്നം സൗരോർജ്ജത്തിൻ്റെ അതിരുകളില്ലാത്ത സാധ്യതകളെ പ്രതിനിധീകരിക്കുമ്പോൾ പച്ചയും നീലയും നിറങ്ങൾ കമ്പനിയുടെ സുസ്ഥിര ഭാവിയിലേക്കുള്ള പ്രതിബദ്ധതയെയും പരമ്പരാഗത ഊർജ്ജ സ്രോതസ്സുകളിൽ നിന്നുള്ള മോചനത്തെയും പ്രതിഫലിപ്പിക്കുന്നു.
അതോടൊപ്പം ഹരിത ഊർജം സംബന്ധിച്ച് കമ്പനിയുടെ പുതിയൊരു വീക്ഷണത്തെ പ്രതീകവൽക്കരിക്കുകയും ഒരു ദശാബ്ദത്തെ നേട്ടങ്ങളും 5,000-ത്തിലധികം ഉപഭോക്താക്കളുടെ സംതൃപ്തിയും സൂചിപ്പിക്കുകയും ചെയ്യുന്നു.
റീബ്രാൻഡിംഗ് പരിപാടികളുടെ ഭാഗമായി, കമ്പനിയുടെ സമഗ്ര സോളാർ സൊല്യൂഷൻ മൊബൈൽ ആപ്പ് ഫ്രെയർ എനർജി ആപ്പ് (മുമ്പ് സൺപ്രോ+ ആപ്പ്) എന്ന് പുനർനാമകരണം ചെയ്തു.
ഈ ആപ്പ് ഓൾ-ഇൻ-വൺ സൊല്യൂഷൻ വാഗ്ദാനം ചെയ്യുന്നു: സൗരോർജ്ജത്തെക്കുറിച്ച് ഉപഭോക്താക്കളെ ബോധവൽക്കരിക്കുക, തടസ്സമില്ലാത്ത ഓർഡർ ബുക്കിംഗ് പ്രവർത്തനക്ഷമമാക്കുക, പ്രോജക്റ്റ് പുരോഗതി ട്രാക്കുചെയ്യുക, ഓൺലൈൻ പേയ്‌മെൻ്റുകൾ സുഗമമാക്കുക, ഇൻസ്റ്റലേഷന് ശേഷമുള്ള ഊർജ്ജ ഉൽപ്പാദനം നിരീക്ഷിക്കുക, മുഴുവൻ സമയ സേവന അഭ്യർത്ഥനകൾ നൽകുകയും ചെയ്യുക തുടങ്ങിയ സേവനങ്ങൾ ആപ്പിൽ ലഭ്യമാണ്.
അടുത്തിടെ ഫ്രെയർ എനർജി തങ്ങളുടെ കേരളത്തിലെ പ്രവർത്തനങ്ങളും വിപുലീകരിച്ചിട്ടുണ്ട്. 2024 പകുതിയോടെ, പ്രവർത്തനങ്ങൾ ഉത്തർപ്രദേശിലേക്കും വ്യാപിപ്പിക്കാൻ കമ്പനി പദ്ധതിയിടുന്നു.
