കൊച്ചി: കേരള സ്റ്റാര്‍ട്ടപ്പ് മിഷനില്‍ ഇന്‍കുബേറ്റ് ചെയ്ത ഗ്രീന്‍ ആഡ്സ് ഗ്ലോബലിന് ഗൂഗിള്‍ മെസേജിന്‍റെ ‘ഇന്നൊവേഷന്‍ ചാമ്പ്യന്‍ 2024’ പുരസ്കാരം.
കമ്പനികള്‍ക്ക് എസ്എംഎസ് ഗേറ്റ് വേ, വോയ്സ് സൊലൂഷന്‍സ്, ഗൂഗിള്‍ ആര്‍സിഎസ് മെസേജുകള്‍, വാട്സാപ്പ് സേവനങ്ങള്‍, ചാറ്റ്ബോട്ട് എന്നിവ ഒരുക്കുന്ന സംരംഭമാണ് ഗ്രീന്‍ ആഡ്സ് ഗ്ലോബല്‍.
ഗൂഗിള്‍ ഇന്ത്യയുടെ ഗുരുഗ്രാം ഓഫീസില്‍ നടന്ന ചടങ്ങില്‍ ഗൂഗിള്‍ കമ്മ്യൂണിക്കേഷന്‍ പ്രോഡക്‌ട് പാര്‍ട്ണര്‍ഷിപ്പ് ഡയറക്ടര്‍ അലിസ്റ്റര്‍ സ്ലാറ്ററി, ഇന്ത്യ ഗൂഗിള്‍ മെസേജ് ഹെഡ് അഭിനവ് ഝാ എന്നിവരില്‍നിന്നു കമ്പനി പ്രതിനിധികള്‍ അവാര്‍ഡ് ഏറ്റുവാങ്ങി.
