ഇറക്കുമതി തീരുവയിലെ ഇളവിന് ഇന്ത്യ സമ്മതം അറിയിച്ചു: ട്രംപ്ജിഎസ്ടി നിരക്കുകൾ ഇനിയും കുറയും: നിർമല സീതാരാമൻചൈനീസ്, ജാപ്പനീസ് രാസവസ്തുക്കള്‍ക്ക് ഇന്ത്യ ആന്റി-ഡമ്പിംഗ് ഡ്യൂട്ടി ചുമത്തിഹോളിക്ക് മുമ്പ് ഡിഎ വർധന പ്രതീക്ഷിച്ച് കേന്ദ്ര സർക്കാർ ജീവനക്കാർഇന്ത്യയില്‍ മാന്ദ്യമുണ്ടാകാമെന്ന് ലോകബാങ്ക് മുന്നറിയിപ്പ്

ഇടപാടുകൾക്ക് കൺവീനിയൻസ് ഫീസ് ഏർപ്പെടുത്താൻ ഗൂഗിൾ

ഗൂഗിൾ പേ ഉപഭോക്താക്കൾക്കും ഇനി കൺവീനിയൻസ് ഫീസ് ബാധകമാകും. ആദ്യ ഘട്ടത്തിൽ ആപ്പ് ഉപയോഗിച്ച് മൊബൈൽ ഫോണുകൾ റീചാർജ് ചെയ്യുമ്പോൾ ആണ് നിരക്ക് ഈടാക്കുന്നത്. ഇന്ത്യയിലെ ഗൂഗിൾ പേ ഉപയോക്താക്കൾക്ക് മൂന്ന് രൂപയാണ് മൊബൈൽ റീചാർജിന് ഇനി ഫീസ് ഈടാക്കുക.

ഇതുവര ഗൂഗിൾപേയിലൂടെ നടത്തുന്ന ഇടപാടുകൾ സൗജന്യമായിരുന്നു. എന്നാൽ മൊബൈൽ റീചാർജിന് അധിക നിരക്ക് ഈടാക്കുന്നത് പേടിഎം, ഫോൺപേ പോലുള്ള മറ്റ് പേയ്‌മെന്റ് പ്ലാറ്റ്‌ഫോമുകളുടെ നിരയിലേക്ക് ഗൂഗിൾ പേയെ കൊണ്ടുവരും. സമാനമായ സേവനങ്ങൾക്ക് ഇപ്പോൾ തന്നെ മറ്റ് പ്ലാറ്റ്ഫോമുകൾ നിരക്ക് ഈടാക്കുന്നുണ്ട്.

ഓൺലൈനിൽ ഉപഭോക്താക്കൾ ഇതുമായി ബന്ധപ്പെട്ട സ്ക്രീൻ ഷോട്ടുകളും പങ്കു വക്കുന്നുണ്ട്. എന്നാൽ അടിസ്ഥാന റീചാർജുകൾ ഒഴികെയുള്ള എല്ലാ പ്ലാനുകൾക്കും അധിക രൂപ നിരക്ക് ഈടാക്കുന്നത് കൂടുതലാണ് എന്ന് പറയുന്നവരും ഉണ്ട്.

ജിയോയിൽ നിന്നുള്ള 749 രൂപയുടെ പ്രീപെയ്ഡ് റീചാർജ് പ്ലാനുകൾക്ക് ഉൾപ്പെടെ ഈ ഫീസ് ബാധകമാണ്. 100 രൂപയിൽ താഴെയുള്ള റീചാർജ് പ്ലാനുകൾക്ക് ഇത് ബാധകമാകില്ല. 100 രൂപക്ക് മുകളിലുള്ള റീചാർജുകൾക്കാണ് കൺവീനിയൻസ് ഫീസ് ബാധകമാവുക. 100 രൂപ മുതൽ 200 രൂപ വരെയുള്ള പ്ലാനുകൾക്ക് രണ്ടു രൂപയും 200 രൂപ മുതൽ 300 രൂപ വരെയുള്ള പ്ലാനുകൾക്ക് മൂന്നു രൂപയും ഈടാക്കും.

ഗൂഗിൾ ഔദ്യോഗികമായി ഈ കൺവീനിയൻസ് ഫീസ് പ്രഖ്യാപിച്ചിട്ടില്ലെങ്കിലും, ഇന്ത്യൻ ഉപയോക്താക്കൾക്കുള്ള സേവന നിബന്ധനകളിലെ അപ്‌ഡേറ്റുകൾ പുതിയ നിരക്കുകളെ കുറിച്ചുള്ള സൂചന നൽകുന്നുണ്ട്. എന്നാൽ ഈ നിരക്ക് വ‍ർധന മറ്റ് സേവനങ്ങളിലേക്ക് വ്യാപിപ്പിക്കുമോ എന്ന ആശങ്കയും ഇപ്പോൾ ഉണ്ട്.

ഫീസ് വ‍ർധനയും ഇടപാടുകൾക്ക് ബാധകമാകുന്ന നിരക്കുകളും കമ്പനിയുടെ വിവേചനാധികാരത്തിന് വിധേയമായിരിക്കും.

പേടിഎം, ഫോൺപേ പോലുള്ള പ്ലാറ്റ്‌ഫോമുകളുടെ നയം പിന്തുടരുകയാണ് ഗൂഗിൾ പേ. കമ്പനിയുടെ നയത്തിലെ ഈ മാറ്റം ഇന്ത്യയിലെ പേയ്‌മെന്റ് സേവന ദാതാക്കൾക്കിടയിൽ ഉണ്ടാകാനിടയുള്ള മാറ്റങ്ങൾ ആണ് സൂചിപ്പിക്കുന്നത്.

ഭക്ഷണം ഓർഡർ ചെയ്യുന്നതിനും സിനിമാ ടിക്കറ്റുകൾ ബുക്ക് ചെയ്യുന്നതിനും ഒക്കെ ബാധകമായ ഓൺലൈൻ നിരക്കുകൾ ഇനി ആപ്പ് ഉപയോഗിക്കുമ്പോഴും നൽകേണ്ടി വന്നേക്കും.

X
Top