മുംബൈ: ഗൂഗിൾ ക്ലൗഡിലേക്കുള്ള എന്റർപ്രൈസ് മൈഗ്രേഷൻ ത്വരിതപ്പെടുത്തുന്നതിന് പുതിയ കഴിവുകളും സേവനങ്ങളും വാഗ്ദാനം ചെയ്യാൻ കമ്പനിയുമായിയുള്ള തന്ത്രപരമായ പങ്കാളിത്തം വിപുലീകരിക്കുന്നതായി പ്രഖ്യാപിച്ച് എച്ച്സിഎൽ ടെക്നോളജീസ്.
രണ്ട് കമ്പനികളും തങ്ങളുടെ പങ്കാളിത്തം വിപുലീകരിച്ച് എച്ച്സിഎൽ ടെക്കിന്റെ ഡിജിറ്റൽ പരിവർത്തനത്തെ പിന്തുണയ്ക്കുന്നതിനും നിർണായക മൈഗ്രേഷൻ, ലെഗസി സിസ്റ്റം നവീകരണങ്ങൾ, പ്രൊഫഷണൽ സേവനങ്ങൾ എന്നിവ എന്റർപ്രൈസ് ഉപഭോക്താക്കൾക്ക് നൽകുന്നതിനുമുള്ള ശേഷി വർദ്ധിപ്പിക്കും.
ഇതിന്റെ ഭാഗമായി ഗൂഗിൾ ക്ലൗഡിലെ 18,000 സാങ്കേതികവിദ്യ, കൺസൾട്ടിംഗ് പ്രൊഫഷണലുകളെ എച്ച്സിഎൽ ടെക് പരിശീലിപ്പിക്കും. കൂടാതെ കമ്പനി ഗൂഗിൾ ക്ലൗഡ് ഇൻഫ്രാസ്ട്രക്ചർ, ഉൽപ്പന്നങ്ങൾ, പരിഹാരങ്ങൾ എന്നിവ ഉപയോഗിച്ച് ആഗോളതലത്തിൽ ഡിജിറ്റൽ പരിവർത്തനങ്ങൾ ത്വരിതപ്പെടുത്താനുള്ള അതിന്റെ കഴിവ് ഗണ്യമായി വർദ്ധിപ്പിക്കും.
അതേപോലെ എന്റർപ്രൈസ് ഉപഭോക്താക്കൾക്ക് നിർണായകമായ മൈഗ്രേഷനും നിയന്ത്രിത സേവനങ്ങളും നൽകുന്നതിന് ഗൂഗിൾ ക്ലൗഡ് എച്ച്സിഎൽ ടെക്കിന്റെ വൈദഗ്ദ്ധ്യം ഉപയോഗിക്കുന്നത് തുടരും.
പങ്കാളിത്തത്തിന് കീഴിൽ എച്ച്സിഎൽ ടെക് റീട്ടെയിൽ,സിപിജികൾ, സാമ്പത്തിക സേവനങ്ങൾ, ഹെൽത്ത് കെയർ, ലൈഫ് സയൻസസ് എന്നിവയുൾപ്പെടെ പ്രധാന വ്യവസായ വിഭാഗങ്ങളിലെ ഡാറ്റ, അനലിറ്റിക്‌സ്, ആർട്ടിഫിഷ്യൽ ഇന്റലിജൻസ് (എഐ) പ്രോജക്‌റ്റുകൾക്കായി ഗൂഗിൾ ക്ലൗഡ്-ഫസ്റ്റ് സമീപനം സ്വീകരിക്കും.
ബിഎസ്ഇയിൽ എച്ച്സിഎൽ ടെക് ഓഹരികൾ 0.02 ശതമാനം ഇടിഞ്ഞ് 964.25 രൂപയിലെത്തി.
