ഡൽഹി: എച്ച്‌ഡിഎഫ്‌സി വെഞ്ച്വർ ക്യാപിറ്റലിൽ ബാക്കിയുള്ള 19.5 ശതമാനം ഓഹരികൾ ഏറ്റെടുക്കുന്നത് പൂർത്തിയാക്കി എച്ച്‌ഡിഎഫ്‌സി. എച്ച്‌ഡിഎഫ്‌സി വെഞ്ച്വർ ക്യാപിറ്റലിന്റെ (എച്ച്‌വി‌സി‌എൽ) പെയ്ഡ്-അപ്പ് ഇക്വിറ്റി ഓഹരി മൂലധനത്തിന്റെ 19.50 ശതമാനം പ്രതിനിധീകരിക്കുന്ന 97,500 ഇക്വിറ്റി ഓഹരികൾ 10 രൂപ നിരക്കിൽ ഏറ്റെടുക്കുന്നത് പൂർത്തിയാക്കിയതായി ഹൗസിംഗ് ഡെവലപ്‌മെന്റ് ഫിനാൻസ് കോർപ്പറേഷൻ അറിയിച്ചു.
മേൽപ്പറഞ്ഞ ഏറ്റെടുക്കലിന് അനുസൃതമായി എച്ച്‌ഡിഎഫ്‌സി വെഞ്ച്വർ ക്യാപിറ്റൽ (എച്ച്‌വി‌സി‌എൽ) കോർപ്പറേഷന്റെ പൂർണ ഉടമസ്ഥതയിലുള്ള ഒരു ഉപസ്ഥാപനമായി മാറി. സെബിയിൽ വെഞ്ച്വർ ക്യാപിറ്റൽ ഫണ്ടായി രജിസ്റ്റർ ചെയ്തിട്ടുള്ള എച്ച്‌ഡിഎഫ്‌സി പ്രോപ്പർട്ടി ഫണ്ടിന്റെ ഇൻവെസ്റ്റ്മെന്റ് മാനേജരാണ് എച്ച്‌വി‌സി‌എൽ. കഴിഞ്ഞ സാമ്പത്തിക വർഷത്തിൽ എച്ച്‌വി‌സി‌എല്ലിന്റെ വിറ്റുവരവ് 1,01,592 രൂപയായിരുന്നു.
ഇന്ത്യയിലെ പ്രമുഖ ഭവന നിർമ്മാണ ധനകാര്യ ദാതാവാണ് എച്ച്‌ഡിഎഫ്‌സി. കഴിഞ്ഞ പാദത്തിൽ ഹൗസിംഗ് ഫിനാൻസ് പ്രമുഖരുടെ അറ്റാദായം 22.27% ഉയർന്ന് 3,668.82 കോടി രൂപയായിരുന്നു.
