മുംബൈ: എച്ച്എഫ്സിഎല്ലിന് പുതിയ ഓർഡറുകൾ ലഭിച്ചു. ദീർഘദൂര ഫൈബർ ശൃംഖല വികസിപ്പിക്കുന്നതിനുള്ള സേവനങ്ങൾ നൽകുന്നതിന് റിലയൻസ് പ്രോജക്ട്‌സ് ആൻഡ് പ്രോപ്പർട്ടി മാനേജ്‌മെന്റ് സർവീസസിൽ നിന്നാണ് കമ്പനിക്ക് ഓർഡർ ലഭിച്ചത്.
39.19 കോടി രൂപയാണ് ഈ പർച്ചേസ് ഓർഡറുകളുടെ മൂല്യമെന്ന് എച്ച്എഫ്സിഎൽ റെഗുലേറ്ററി ഫയലിംഗിൽ അറിയിച്ചു. രാജ്യത്തെ പ്രമുഖ സ്വകാര്യ ടെലികോം ഓപ്പറേറ്റർമാരിൽ ഒരാളാണ് വിവിധ ടെലികോം സർക്കിളുകളിൽ ഈ ദീർഘദൂര ഫൈബർ ശൃംഖല വികസിപ്പിക്കുന്നത്.
2023 മെയ് മാസത്തോടെ ഓർഡർ നടപ്പിലാക്കുമെന്ന് കമ്പനി അറിയിച്ചു. ഹൈ-എൻഡ് ട്രാൻസ്മിഷൻ, ആക്സസ് ഉപകരണങ്ങൾ, ഒപ്റ്റിക്കൽ ഫൈബർ കേബിളുകൾ (OFC) എന്നിവയുടെ നിർമ്മാണത്തിൽ ഏർപ്പെട്ടിരിക്കുന്ന ഒരു സാങ്കേതിക സംരംഭമാണ് എച്ച്എഫ്സിഎൽ. ടെലികോം സേവനദാതാക്കൾ, റെയിൽവേ, പ്രതിരോധം എന്നിവയ്ക്കായി ആധുനിക ആശയവിനിമയ ശൃംഖല സ്ഥാപിക്കുന്നതിൽ ഇത് ശ്രദ്ധ കേന്ദ്രികരിക്കുന്നു.
ബിഎസ്ഇയിൽ കമ്പനിയുടെ ഓഹരി 0.32 ശതമാനം ഉയർന്ന് 77.60 രൂപയിലെത്തി.
