തിരുവനന്തപുരം: കേരള സ്റ്റാർട്ടപ്പ് മിഷന്റെ സ്റ്റാർട്ടപ്പ് സമ്മേളനമായ ഹഡില്‍ ഗ്ലോബല്‍ കോവളം റാവിസില്‍ നവംബർ 28ന് മുഖ്യമന്ത്രി പിണറായി വിജയൻ ഉദ്ഘാടനം ചെയ്യും.
എമർജിംഗ് ടെക്, ഡീപ്‌ടെക് മേഖലകളിലെ വിവിധ സ്റ്റാർട്ടപ്പുകള്‍ക്ക് ഉത്പന്നങ്ങള്‍ ആഗോള നിക്ഷേപകർക്ക് മുന്നില്‍ അവതരിപ്പിക്കാൻ എക്സ്‌പോ വേദിയൊരുക്കും.
ഭാവിയില്‍ പ്രയോജനപ്രദമാകുന്ന സാങ്കേതികവിദ്യയുടെ സാദ്ധ്യതകളുടെ പ്രദർശനവേദിയായി ഹഡില്‍ ഗ്ലോബല്‍ മാറുമെന്ന് സ്റ്റാർട്ടപ്പ് മിഷൻ സി.ഇ.ഒ അനൂപ് അംബിക പറഞ്ഞു.
ഹഡില്‍ ഗ്ലോബല്‍ ആറാം പതിപ്പില്‍ സ്റ്റാർട്ടപ്പ് സ്ഥാപകർ, നിക്ഷേപകർ, വ്യവസായ പ്രമുഖർ എന്നിവർ ഒരു വേദിയിലെത്തുമെന്ന് അദ്ദേഹം കൂട്ടിച്ചേർത്തു.
