സ്ഥാപക ദിനത്തോട് അനുബന്ധിച്ച്, ഐഡിഎഫ്സി ഫസ്റ്റ് ബാങ്ക്, സേവിങ്സ് അക്കൗണ്ടുകൾക്കായി സീറോ ഫീ ബാങ്കിങ് സേവനങ്ങൾ അവതരിപ്പിച്ചു. കൂടാതെ നിരവധി ഉപഭോക്തൃ കേന്ദ്രീകൃത സേവനങ്ങളുടെ ഫീസ് വെയ്വ് ചെയ്യുമെന്നും ബാങ്ക് അറിയിച്ചു. ക്യാഷ് ഡെപ്പോസിറ്റ്സ്, ക്യാഷ് വി‍ഡ്രോവൽ, ഡിമാൻഡ് ഡ്രാഫ്റ്റ്സ്, ഐഎംപിഎസ്, എസ്എംസ് അലർട്ടുകൾ തുടങ്ങിയ സേവനങ്ങൾ ഇതിൽ ഉൾപ്പെടും.
ബാങ്കിന്റെ പ്രസ്താവന പ്രകാരം, സേവിങ്സ് അക്കൗണ്ടുകളുമായി ബന്ധപ്പെട്ട് ആവർത്തിച്ച് ഉപയോഗിക്കുന്ന ബാങ്കിങ് സേവനങ്ങളുടെ ഫീസ് ഒഴിവാക്കി നൽകി. ക്യാഷ് ഡെപ്പോസിറ്റ്, ബ്രാഞ്ചുകളിലെ പണം പിൻവലിക്കൽ, തേർഡ് പാർട്ടി സാമ്പത്തിക വിനിമയങ്ങൾ, ഇമ്മീഡിയേറ്റ് പെയ്മെന്റ് സർവീസ് (ഐഎംപിഎസ്), നാഷണൽ ഇലക്ട്രോണിക് ഫണ്ട് ട്രാൻസ്ഫർ (നെഫ്റ്റ്), റിയൽ ടൈെം ഗ്രോസ് സെറ്റിൽമെന്റ്(ആർടിജിഎസ്), ചെക്ക് ബുക്ക്, എസ്എംഎസ് അലർട്ടുകൾ, ഇന്ററസ്റ്റ് സർട്ടിഫിക്കറ്റുകൾ, എടിഎം വിനിമയങ്ങളിൽ അപര്യാപ്തമായ ബാലൻസ്, ഇന്റർനാഷണൽ എടിഎം ഉപയോഗം തുടങ്ങിയ സേവനങ്ങളുടെ ഫീസാണ് ഒഴിവാക്കിയത്.
പ്രതിമാസം അക്കൗണ്ടിൽ 10,000 രൂപ, വാർഷികാടിസ്ഥാനത്തിൽ 25,000 രൂപ എന്നിങ്ങനെ ബാലൻസ് സൂക്ഷിക്കുന്നവർക്കാണ് ഈ സേവനങ്ങൾ സൗജന്യമായി ലഭിക്കുക. ഇത്തരത്തിലുള്ള എല്ലാ ഉപഭോക്താക്കൾക്കും ഫീസ് ഒഴിവാക്കി ലഭിക്കും. എന്നാൽ ഫീസ്, ചാർജുകൾ എന്നിവ കണക്കു കൂട്ടുന്നതിൽ പിന്നിൽ നിൽക്കുന്ന/ വേണ്ടത്ര സാമ്പത്തിക സാക്ഷിരത ഇല്ലാത്ത ആളുകൾക്ക് നിലവിലെ സംവിധാനം കൂടുതൽ ഉപകാരപ്രദാമാകുമെന്ന് ബാങ്ക് അറിയിച്ചു.
പല ഉപഭോക്താക്കൾക്കും അവർ നൽകുന്ന ഫീസിനെ സംബന്ധിച്ച് ബോധ്യമുണ്ടായിരിക്കില്ല. ബാങ്ക് ഈടാക്കുന്ന ചാർജുകളുടെ കണക്കു കൂട്ടൽ നടത്തുക എന്നത് പലപ്പോഴും പ്രയാസകരമായി മാറുന്നു. യഥാർത്ഥ വിനിമയങ്ങളുമായി ബന്ധപ്പെട്ട്, ബാങ്ക് സ്റ്റേറ്റ്മെന്റുകളിൽ നിരവധി എൻട്രികൾ ഉണ്ടാവാറുണ്ട്.
ഇവയിൽ ഡെബിറ്റ് എൻട്രികളുടെ ചാർജുകളും ഉൾപ്പെട്ടിരിക്കുന്നു. ഇവയെല്ലാം മനസ്സിലാക്കി എടുക്കുക എന്നത് പല ആളുകളെ സംബന്ധിച്ചും പ്രയാസകരമാണെന്ന് ബാങ്ക് കരുതുന്നു.
ഇത് ബാങ്കിന്റെ ഒരു ഉപഭോക്തൃ സൗഹൃദ സമീപനമാണെന്ന് ഐഡിഎഫ്സി ഫസ്റ്റ് ബാങ്ക് എംഡി വി വൈദ്യനാഥൻ പറഞ്ഞു.
ബാങ്ക് ആരംഭിച്ചതു മുതൽ, എല്ലാ പ്രൊഡക്ടുകളിലും ലളിതമായതും, സുതാര്യമായതുമായ വ്യവസ്ഥകളാണ് നടപ്പാക്കിയിരിക്കുന്നതെന്നും അദ്ദേഹം പറഞ്ഞു.
