മുംബൈ: കോർപ്പറേറ്റ് പ്രവർത്തനങ്ങൾക്കായി എങ്ങനെ വോട്ടുചെയ്യണം എന്നതിനെക്കുറിച്ച്‌ ഫണ്ടുകൾക്ക് നിർദ്ദേശങ്ങൾ നൽകുന്ന പ്രോക്സി ഉപദേശക സ്ഥാപനമായ ഇൻസ്റ്റിറ്റിയൂഷണൽ ഇൻവെസ്റ്റർ അഡൈ്വസറി സർവീസസ് (ഐഐഎഎസ്) വിജയ് ശേഖർ ശർമ്മയെ എംഡിയും സിഇഒയുമായി വീണ്ടും നിയമിക്കണമെന്ന പേടിഎമ്മിന്റെ മാതൃ കമ്പനിയുടെ പ്രമേയത്തെ പിന്തുണയ്ക്കുന്നതിനെതിരെ ഓഹരി ഉടമകളെ ഉപദേശിച്ചു.
ഇതിന് പുറമെ രവിചന്ദ്ര അഡുസുമല്ലിയെ ഡയറക്ടറായി പുനർനിയമിക്കുന്നതിന് വോട്ട് ചെയ്യരുതെന്നും ഐഐഎഎസ് ഉപദേശിച്ചിട്ടുണ്ട്. ഒൺ 97 കമ്മ്യൂണിക്കേഷൻസിന്റെ (പേടിഎമ്മിന്റെ മാതൃ കമ്പനി) എജിഎം ഓഗസ്റ്റ് 19-ന് നടക്കും. ശർമ്മയുടെയും അഡുസുമല്ലിയുടെയും നിയമനത്തിന് പുറമെ, സാമ്പത്തിക പ്രസ്താവനകൾ സ്വീകരിക്കുന്നതിനും, എക്‌സിക്യൂട്ടീവ് ഡയറക്ടർ, പ്രസിഡന്റ് & എന്നീ നിലകളിൽ മുഴുവൻ സമയ ഡയറക്ടറായി മധുർ ദേവ്‌റയെ നിയമിക്കുന്നതിനും ഓഹരി ഉടമകൾ വോട്ട് ചെയ്യും.
കൂടാതെ ചാരിറ്റബിൾ ട്രസ്റ്റുകളിലേക്കും മറ്റ് ഫണ്ടുകളിലേക്കും പ്രതിവർഷം 10 കോടി രൂപ വരെയുള്ള സംഭാവനകൾ മൂന്ന് വർഷത്തേക്ക് അംഗീകരിക്കാനും എജിഎമ്മിൽ പ്രമേയമുണ്ട്. എന്നാൽ ഈ റിപ്പോർട്ടുകളോട് പേയ്‌മെന്റ് കമ്പനി പ്രതികരിച്ചില്ല.
