ന്യൂഡല്‍ഹി: ഇന്ത്യയുടെ വ്യാപാരകമ്മി ഡിസംബറില്‍ 23.89 ബില്യണ്‍ ഡോളറായി വികസിച്ചു. 21.10 ബില്ല്യണ്‍ ഡോളറായിരുന്നു മുന്‍വര്‍ഷത്തെ സമാനമാസത്തില്‍ രേഖപ്പെടുത്തിയത്. അതേസമയം തൊട്ടുമുന്‍മാസമായ നവംബറില്‍ നിന്നും ഡിസംബറിലെത്തുമ്പോള്‍ വ്യാപാരകമ്മിയില്‍ മാറ്റമില്ല.
ഇരു മാസങ്ങളിലും കമ്മി 23.89 ബില്യണ്‍ ഡോളര്‍ തന്നെ രേഖപ്പെടുത്തി.കയറ്റുമതി കുറഞ്ഞതും ഇറക്കുമതി കൂടിയതുമാണ് വ്യാപാരകമ്മി ഉയര്‍ത്തിയത്.
ചരക്ക് കയറ്റുമതി കഴിഞ്ഞവര്‍ഷത്തെ സമാന മാസത്തെ അപേക്ഷിച്ച് 12.2 ശതമാനം കുറഞ്ഞ് 39.27 ബില്ല്യണ്‍ ഡോളറായപ്പോള്‍ ഇറക്കുമതി 58.24ബില്യണ്‍ ഡോളറായി. തൊട്ടുമുന്‍വര്‍ഷത്തെ സമാന മാസത്തില്‍ 60.33ബില്യണ്‍ ഡോളറായിരുന്നു ഇറക്കുമതി.
ഏപ്രില്‍ – ഡിസംബറിലെ കയറ്റുമതി 9 ശതമാനമുയര്‍ന്ന് 332.76 ബില്യണ്‍ ഡോളറാണ്. ഇറക്കുമതി 24.96 ശതമാനം കൂടി 551.7 ബില്യണ്‍ ഡോളറിന്റേതുമായി. മോശം ആഗോള സാമ്പത്തിക സാഹചര്യങ്ങള്‍ക്കിടയിലും മെച്ചപ്പെട്ട കയറ്റുമതി നടത്താനായെന്ന് വാണിജ്യ സെക്രട്ടറി സുനില്‍ ബര്‍ത്ത്വാള്‍ പറയുന്നു.
