മുംബൈ: ഇൻവെസ്‌കോയുടെ ഉടമസ്ഥതയിലുള്ള സ്ഥാപനങ്ങൾ അവരുടെ സീ എന്റർടൈൻമെന്റ് എന്റർപ്രൈസസിലെ (ZEEL) 5.51 ശതമാനം ഓഹരികൾ വിറ്റു. ഏകദേശം 53 ദശലക്ഷം ഓഹരികൾ ഓരോന്നിനും 263.7 രൂപ നിരക്കിൽ വിറ്റ് ഇൻവെസ്‌കോ 1,396 കോടി രൂപ സമാഹരിച്ചതായി ഇടപാട് ഡാറ്റ കാണിക്കുന്നു.
മോർഗൻ സ്റ്റാൻലി, സിറ്റിഗ്രൂപ്പ്, ബാങ്ക് ഓഫ് അമേരിക്ക, അബ്വെൻഡസ്, ഐസിഐസിഐ പ്രുഡൻഷ്യൽ എംഎഫ് തുടങ്ങിയവരാണ് ഈ ഓഹരികൾ ഏറ്റെടുത്തത്. നിർദിഷ്ട ഇടപാടിന് മുൻപ് ഇൻവെസ്‌കോയ്ക്ക് സീയിൽ 10.14 ശതമാനം ഓഹരി ഉണ്ടായിരുന്നു.
ഒരു ഇന്ത്യൻ മീഡിയ കൂട്ടായ്മയാണ് സീ എന്റർടൈൻമെന്റ് എന്റർപ്രൈസസ്. മുംബൈ ആസ്ഥാനമായി പ്രവർത്തിക്കുന്ന കമ്പനി ടെലിവിഷൻ, പ്രിന്റ്, ഇന്റർനെറ്റ്, ഫിലിം, മൊബൈൽ ഉള്ളടക്കം, അനുബന്ധ ബിസിനസുകൾ എന്നിവയിൽ പ്രവർത്തിക്കുന്നു. കൂടാതെ ഇതിന് ലോകമെമ്പാടുമായി 45 ചാനലുകളുണ്ട്. സീയുടെ ഓഹരികൾ 0.79 ശതമാനം ഇടിഞ്ഞ് 268.65 രൂപയിലെത്തി.
