ന്യൂഡല്‍ഹി:ഇന്ത്യയിലെ ഏറ്റവും വലിയ സ്റ്റീല്‍ നിര്‍മ്മാതാക്കളില്‍ ഒന്നായ ജെഎസ്ഡബ്ല്യു സ്റ്റീല്‍, കാനഡയിലെ ടെക് റിസോഴ്‌സസിന്റെകല്‍ക്കരി യൂണിറ്റില്‍ പങ്കാളിത്തം നേടും. ഏകദേശം 20 മുതല്‍ 40 ശതമാനം ഓഹരി വാങ്ങാന്‍ ആലോചിക്കുന്നുവെന്ന് ബ്ലൂംബര്‍ഗ് റിപ്പോര്‍ട്ട് ചെയ്തു.ജെഎസ്ഡബ്ല്യു സ്റ്റീല്‍ ചെയര്‍മാന്‍ സജ്ജന്‍ ജിന്ദാല്‍ വെള്ളിയാഴ്ച ഇക്കാര്യം സ്ഥിരീകരിച്ചു.
ചില ജാപ്പനീസ്, ദക്ഷിണ കൊറിയന്‍ മില്ലുകളുമായി ചേര്‍ന്നാണ് ഓഹരി സ്വന്തമാക്കുക. ഇതിന് 8 ബില്യണ്‍ ഡോളര്‍ ചെലവഴിക്കും. 2024-2025 ഓടെ 37 MTPA ശേഷി കൈവരിക്കാനാണ് കമ്പനി പദ്ധതിയിടുന്നുണ്ട്.
ഇതിനായി, കല്‍ക്കരി പോലുള്ള പ്രധാന അസംസ്‌കൃത വസ്തുക്കള്‍ ശേഖരിക്കുന്നത് വളരെ പ്രധാനമാണ്. അതുകൊണ്ടാണ് കമ്പനി കാനഡയിലെ ടെക്ക് റിസോഴ്‌സില്‍ താല്‍പര്യം പ്രകടിപ്പിക്കുന്നത്. ടെക്ക് റിസോഴ്‌സസ് പക്ഷെ ഇക്കാര്യം സ്ഥിരീകരിച്ചിട്ടില്ല.
