മുംബൈ: പ്രതിദിനം ഒരു തോക്ക് വീതം നിർമ്മിക്കുന്ന ലോകത്തിലെ ഏറ്റവും വലിയ ആർട്ടിലറി നിർമ്മാണ കേന്ദ്രം ഇന്ത്യയിൽ സ്ഥാപിക്കുമെന്ന് പൂനെ ആസ്ഥാനമായുള്ള പ്രതിരോധ കമ്പനിയായ കല്യാണി ഗ്രൂപ്പ് അറിയിച്ചു.
തങ്ങൾ ലോകത്തിലെ ഏറ്റവും വലിയ ആർട്ടിലറി നിർമ്മാണ ശേഷി സ്ഥാപിക്കുന്നതിനുള്ള പ്രക്രിയയിലാണെന്നും. മൂന്ന് വർഷത്തിനുള്ളിൽ ഈ കേന്ദ്രത്തിൽ ഉൽപ്പാദനം ആരംഭിക്കുമെന്നും ഭാരത് ഫോർജ് ലിമിറ്റഡിന്റെ മാതൃസ്ഥാപനമായ കല്യാണി ഗ്രൂപ്പിന്റെ ചെയർമാൻ ബാബ കല്യാണി പറഞ്ഞു. നിലവിൽ 5 ദിവസം കൊണ്ടാണ് സ്ഥാപനം ഒരു തോക്ക് നിർമ്മിക്കുന്നത്.
ഈ വിപുലീകരണത്തിനുള്ള മൂലധന നിക്ഷേപം ഇതിനകം നടത്തിക്കഴിഞ്ഞതായും അദ്ദേഹം പറഞ്ഞു. ഭാരമേറിയ തോക്കുകളുടെ അതേ ഫയർ പവർ ഉപയോഗിച്ച് ഭാരം കുറഞ്ഞ തോക്കുകൾ നിർമ്മിക്കാനുള്ള സാങ്കേതികവിദ്യ ഗ്രൂപ്പിനുണ്ടെന്ന് പറഞ്ഞ കല്യാണി, ‘ഷൂട്ട് ആൻഡ് സ്‌കൂട്ട്’ തോക്കുകളുടെ പ്രവണത ആഗോളതലത്തിൽ വളരുകയാണെന്ന് പറഞ്ഞു.
ഇന്ത്യൻ നാവികസേനയുടെ ആവശ്യകതകൾ പരിഹരിക്കുന്നതിനായി നാവിക അന്തർവാഹിനികൾക്കായുള്ള ലിഥിയം-അയൺ ബാറ്ററി സംവിധാനത്തിൽ സഹകരിക്കുന്നതിന് യുഎസിലെ ജനറൽ ആറ്റോമിക്‌സുമായി ഭാരത് ഫോർജ് ലിമിറ്റഡ് അടുത്തിടെ ഒരു ധാരണാപത്രം (എംഒയു) ഒപ്പുവച്ചിരുന്നു. നൂതനവുമായ പവർ, എനർജി സാങ്കേതികവിദ്യകളുടെ വൈവിധ്യമാർന്ന പോർട്ട്‌ഫോളിയോയുടെ ഗവേഷണം, രൂപകൽപ്പന, നിർമ്മാണം എന്നിവയിൽ ജനറൽ ആറ്റോമിക്‌സ് ആഗോള തലവനാണ്.
