മുംബൈ: കമ്പനിയുടെ അനുബന്ധ സ്ഥാപനമായ മഹീന്ദ്ര സിഐഇ ഓട്ടോമോട്ടീവിന്റെ 2.17 ശതമാനം ഓഹരികൾ വിറ്റ് മഹീന്ദ്ര ആൻഡ് മഹീന്ദ്ര. എംസിഐഇയുടെ ഓഹരി മൂലധനത്തിന്റെ 2.173 ശതമാനം വരുന്ന 82,42,444 ഇക്വിറ്റി ഓഹരികളാണ് എം&എം വിറ്റത്.
ഓഹരിയൊന്നിന് ശരാശരി 285 രൂപ നിരക്കിലാണ് വിൽപ്പന നടന്നതെന്ന് നാഷണൽ സ്റ്റോക്ക് എക്‌സ്‌ചേഞ്ചിൽ ലഭ്യമായ ഇടപാട് ഡാറ്റ കാണിക്കുന്നു. വിൽപ്പനയെത്തുടർന്ന്, എംസിഐഇയിലെ കമ്പനിയുടെ ഓഹരി പങ്കാളിത്തം അതിന്റെ ഓഹരി മൂലധനത്തിന്റെ 11.427 ശതമാനത്തിൽ നിന്ന് 9.254 ശതമാനം ആയി കുറഞ്ഞു.
ഫോർജിംഗ് ബിസിനസിൽ ഏർപ്പെട്ടിരിക്കുന്ന ആഗോള കമ്പനിയാണ് മഹീന്ദ്ര സിഐഇ ഓട്ടോമോട്ടീവ്. ഓട്ടോമോട്ടീവ്, കൃഷി, റെയിൽവേ, ഖനനം, നിർമ്മാണം, മറ്റ് വ്യവസായങ്ങൾ എന്നിവയ്‌ക്കായി ലോകോത്തര നിലവാരത്തിലുള്ള യന്ത്രവൽകൃതവുമായ ഉൽപ്പന്നങ്ങളുടെ നിർമ്മാണത്തിൽ കമ്പനി ശ്രദ്ധ കേന്ദ്രികരിക്കുന്നു.
