ന്യൂഡല്‍ഹി: ഗ്ലോബല്‍ എന്‍സിഎപിയുടെ സുരക്ഷാ പരിശോധനയില്‍ മഹീന്ദ്ര സ്‌കോര്‍പിയോ-എന്‍ ഫൈവ് സ്റ്റാര്‍ റേറ്റിംഗ് നേടി. ഗ്ലോബല്‍ ന്യൂ കാര്‍ അസസ്മെന്റ് പ്രോഗ്രാമിനായുള്ള സ്റ്റാന്‍ഡിംഗ് – യുകെയില്‍ രജിസ്റ്റര്‍ ചെയ്ത ചാരിറ്റിയായ ടുവേര്‍ഡ് സീറോ ഫൗണ്ടേഷന്റെ ഒരു പ്രോജക്റ്റാണ് ഗ്ലോബല്‍ എന്‍സിഎപി. ഫലങ്ങള്‍ അനുസരിച്ച്, മഹീന്ദ്ര സ്‌കോര്‍പ്പിയോ-എന്‍ അഡല്‍റ്റ് ഒക്യുപന്റ് പ്രൊട്ടക്ഷന്‍ വിഭാഗത്തിന് കീഴില്‍ അഞ്ച് സ്റ്റാര്‍ റേറ്റിംഗ് നേടി.
മൊത്തം 34 പോയിന്റില്‍ 29.25 പോയിന്റ്ാണ് കരസ്ഥമാക്കിയത്.കുട്ടികളുടെ ഒക്ക്യുപ്പന്റ് പ്രൊട്ടക്ഷന്‍ വിഭാഗത്തില്‍ 48 പോയിന്റില്‍ 28.94 പോയിന്റും എസ്യുവിക്ക് ലഭിച്ചു, അങ്ങനെ ത്രീ സ്റ്റാര്‍ റേറ്റിംഗ് നേടി.
എന്‍സിഎപിയുടെ അപ്ഡേറ്റ് ചെയ്ത പ്രോട്ടോക്കോളുകള്‍ ഇലക്ട്രോണിക് സ്റ്റെബിലിറ്റി കണ്‍ട്രോള്‍ (ഇഎസ്സി), കാല്‍നട സംരക്ഷണം, സൈഡ് ഇംപാക്ട് പോള്‍ സംരക്ഷണം എന്നിവയ്ക്കൊപ്പം ഫ്രന്റല്‍, സൈഡ് ഇംപാക്ട് പ്രൊട്ടക്ഷന്‍ എന്നിവ പരിശോധിക്കുന്നു.മാരുതി സുസുക്കി സ്വിഫ്റ്റ്, എസ്-പ്രസ്സോ, ഇഗ്‌നിസ് എന്നിവയാണ് ജിഎന്‍സിഎപി പരീക്ഷിച്ച മറ്റ് ഇന്ത്യന്‍ വാഹനങ്ങള്‍. മാരുതി സുസുക്കി സ്വിഫ്റ്റ് മുതിര്‍ന്നവര്‍ക്ക് ഒരു സ്റ്റാറും കുട്ടികളുടെ സംരക്ഷണത്തിനായി ഒരു സ്റ്റാറും നേടി.
മാരുതി സുസുക്കി എസ്-പ്രസ്സോയും ഇഗ്‌നിസും മുതിര്‍ന്നവരുടെ സംരക്ഷണത്തിനായി ഒരു സ്റ്റാറും കുട്ടികളുടെ സംരക്ഷണത്തിനായി സീറോ സ്റ്റാറും മാത്രമാണ് സ്‌കോര്‍ ചെയ്തത്.
