മുംബൈ: ആഴ്ചാവസാനം വിപണി നേട്ടത്തിലായി. രണ്ടുദിവസത്തെ കനത്ത തകര്‍ച്ചയ്‌ക്കൊടുവിലാണിത്. സെന്‍സെക്‌സ് 480.57 പോയിന്റ് അഥവാ 0.74 ശതമാനം ഉയര്‍ന്ന് 65721.25 ലെവലിലും നിഫ്റ്റി 135.30 പോയിന്റ് അഥവാ 0.70 ശതമാനം ഉയര്‍ന്ന് 19517 ലെവലിലും ക്ലോസ് ചെയ്യുകയായിരുന്നു.
2177 ഓഹരികള്‍ മുന്നേറിയപ്പോള്‍ 1296 ഓഹരികളാണ് തിരിച്ചടി നേരിട്ടത്. 139 ഓഹരി വിലകളില്‍ മാറ്റമില്ല. സിപ്ല,ഇന്‍ഡസ്ഇന്‍ഡ്ബാങ്ക്,ടെക്ക് മഹീന്ദ്ര,വിപ്രോ,ഭാരതി എയര്‍ടെല്‍ എന്നീ ഓഹരികളാണ് നിഫ്റ്റിയില്‍ മികച്ച നേട്ടം സ്വന്തമാക്കിയവ.
എസ്ബിഐ,ബജാജ് ഓട്ടോ,ബിപിസിഎല്‍,എന്‍ടിപിസി,മാരുതി സുസുക്കി എന്നിവ നഷ്ടം നേരിട്ടു.മേഖലകളില്‍ ഫാര്‍മ,ഐടി എന്നിവ ഒരു ശതമാനവും ബാങ്ക്, കാപിറ്റല്‍ ഗുഡ്‌സ് എന്നിവ അര ശതമാനം വീതവുമുയര്‍ന്നപ്പോള്‍ വാഹനം, പവര്‍ എന്നിവയില്‍ വില്‍പന കണ്ടു. ബിഎസ്ഇ മിഡ്ക്യാപ്,സ്‌മോള്‍ക്യാപ് സൂചികകള്‍ 0.6 ശതമാനം വീതമാണ് കൂട്ടിച്ചേര്‍ത്തത്.
