മുംബൈ: തിങ്കളാഴ്ച തുടക്കത്തില്‍ വിപണി നേരിയ തോതില്‍ നേട്ടത്തിലായി. സെന്‍സെക്‌സ് 50.47 പോയിന്റ് അഥവാ 0.08 ശതമാനം ഉയര്‍ന്ന് 65437.63 ലെവലിലും നിഫ്റ്റി 36.10 പോയിന്റ് അഥവാ 0.19 ശതമാനം ഉയര്‍ന്ന് 19471.40 ലെവലിലുമാണ് വ്യാപാരത്തിലുള്ളത്. 2100 ഓഹരികള്‍ മുന്നേറുമ്പോള്‍ 891 ഓഹരികള്‍ തിരിച്ചടി നേരിടുന്നു.
144 ഓഹരി വിലകളില്‍ മാറ്റമില്ല. കോള്‍ ഇന്ത്യ,ടാറ്റ സ്റ്റീല്‍,ഹിന്‍ഡാല്‍കോ,അള്‍ട്രാടെക്ക് സിമന്റ്,ജെഎസ്ഡബ്ല്യു സ്റ്റീല്‍,ഗ്രാസിം,ഐഷര്‍ മോട്ടോഴ്‌സ്,എന്‍ടിപിസി,ഒഎന്‍ജിസി,ബിപിസിഎല്‍ എന്നിവയാണ് നിഫ്റ്റിയില്‍ മികച്ച നേട്ടമുണ്ടാക്കുന്നത്.എഷ്യന്‍ പെയിന്റ്‌സ്,എസ്ബിഐ ലൈഫ്,ഐസിഐസിഐ ബാങ്ക്,മഹീന്ദ്ര ആന്റ് മഹീന്ദ്ര,ബ്രിട്ടാനിയ,സണ്‍ ഫാര്‍മ,നെസ്ലെ,എച്ച്ഡിഎഫ്‌സി ലൈഫ്,ടൈറ്റന്‍,ടാറ്റ മോട്ടോഴ്‌സ് എന്നിവ നഷ്ടത്തിലായി.
മേഖലകളെല്ലാം നേട്ടത്തിലായപ്പോള്‍ ലോഹം 3 ശതമാനവും റിയാലിറ്റി 1 ശതമാനവുമാണുയര്‍ന്നത്. ബിഎസ്ഇ മിഡ്ക്യാപ് 0.76 ശതമാനവും സ്‌മോള്‍ക്യാപ് 0.83 ശതമാനവും കരുത്താര്‍ജ്ജിച്ചിട്ടുണ്ട്.
