ജാപ്പനീസ് മൾട്ടിനാഷണൽ വാഹന നിർമാണ കമ്പനിയായ മിത്‍സുബിഷിയുടെ അനുബന്ധ കമ്പനി തമിഴ്നാട്ടിൽ പ്ലാൻറ് നിർമിക്കുന്നു. 1800 കോടി രൂപയിൽ ഏറെ മുതൽ മുടക്കിയാണ് മിത്‍സുബിഷി ഇലക്ട്രിക് ഇന്ത്യ വിഭാഗത്തിൻെറ പ്ലാൻറ് നിർമാണം.
തമിഴ്നാട്ടിൽ ഇപ്പോൾ എയർ കണ്ടീഷണർ, കംപ്രസർ നിർമാണ പ്ലാൻ് ആണ് നിർമിക്കുന്നത്. തിരുവള്ളൂർ ജില്ലയിലെ പെരുവയൽ വില്ലേജിൽ മഹീന്ദ്രയുടെ ഉടമസ്ഥതയിലുള്ള ഒറിജിൻസിന്റെ 52 ഏക്കർ സ്ഥലത്താണ് റൂം എയർകണ്ടീഷണറുകൾക്കും കംപ്രസ്സറുകൾക്കുമുള്ള നിർമ്മാണ സൗകര്യം വരുന്നത്. പ്ലാന്റ് നിർമാണത്തിൻെറ തറക്കല്ലിടിൽ ചടങ്ങ് നടന്നു.
2,000-ത്തിലധികം തൊഴിലവസരങ്ങൾ ആണ് പ്ലാൻറ് വരുന്നതിലൂടെ ഇന്ത്യയിൽ സൃഷ്ടിക്ക പ്പെടുന്നതെന്ന് മിത്‍സുബിഷി ഇലക്ട്രിക് ഇന്ത്യ വ്യക്തമാക്കി. ഇതിൽ 60 ശതമാനം വനിതാ ജീവനക്കാരും ഉൾപ്പെടുന്നു.
കാർബൺ ഡൈ ഓക്സൈഡ് ബഹിർഗമനം കുറയ്ക്കുക, കൂടുതൽ കാര്യക്ഷമമായ എയർ കണ്ടീഷനിംഗ് നൽകുക, കാർബൺ ന്യൂട്രാലിറ്റി തുടങ്ങിയ ലക്ഷ്യങ്ങളോടെയാകും പുതിയ പ്ലാൻറ് പ്രവർത്തിക്കുക.
2025 ഒക്ടോബറിൽ വാണിജ്യാടിസ്ഥാനത്തിലുള്ള ഉൽപ്പാദനം ആരംഭിക്കുമെന്നും 2025 ഡിസംബറോടെ റൂം എയർകണ്ടീഷണറുകളുടെ പ്രാരംഭ ശേഷി മൂന്ന് ലക്ഷം യൂണിറ്റും കംപ്രസ്സറുകളുടേത് 6.50 ലക്ഷം യൂണിറ്റുകളും ആക്കി മാറ്റുമെന്നും കമ്പനി അധികൃതർ പറയുന്നു.
ഭൂഗർഭ ഫിൽട്ടറേഷൻ ട്രീറ്റ്‌മെൻറിലൂടെയുൾപ്പെടെ മലിനജലം ശുദ്ധീകരിച്ച് പുനരുപയോഗം ചെയ്യുന്നത് പോലുള്ള നടപടിക‌ൾ നിർമ്മാണ യൂണിറ്റിൽ നടപ്പാക്കുമെന്ന് അറിയിച്ചിട്ടുണ്ട്.
അടുത്ത അഞ്ച് വർഷത്തിനുള്ളിൽ എല്ലാ പുതിയ കാറുകളുടെയും ഹൈബ്രിഡ്, ഇലക്ട്രിക് വാഹനങ്ങൾക്കായി പദ്ധതിയിടുന്നതായി കമ്പനി അറിയിച്ചു.
ഫ്രാൻസിലെ റെനോ, നിസ്സാൻ എന്നിവയുമായി മിത്സുബിഷിക്ക് പങ്കാളിത്തമുണ്ട്. അഞ്ച് വർഷത്തിനുള്ളിൽ 16 പുതിയ മോഡലുകളിലെ വാഹനങ്ങൾ പുറത്തിറക്കുമെന്ന് കമ്പനി പ്രഖ്യാപിച്ചിട്ടുണ്ട്.
