ന്യൂഡല്‍ഹി: 1:5 അനുപാതത്തില്‍ ഓഹരി വിഭജിക്കാനൊരുങ്ങുകയാണ് വിസാക. 10 രൂപ മുഖവിലയുള്ള ഓഹരി 2 രൂപയുള്ള 5 ഓഹരികളാക്കിയാണ് വിഭജിക്കുക. ഈ മാസം തുടക്കത്തില്‍ കമ്പനി 70 ശതമാനം ലാഭവിഹിതം വിതരണം ചെയ്തിരുന്നു.
കഴിഞ്ഞ 12 മാസത്തില്‍ 150 ശതമാനം അഥവാ 15 രൂപ ഓഹരി ലാഭവിഹിതം നല്‍കി. മൂന്നാം പാദത്തില്‍ കമ്പനി 3.71 കോടി രൂപയുടെ അറ്റാദായമാണ് പ്രഖ്യാപിച്ചത്. മുന്‍വര്‍ഷത്തെ സമാന പാദത്തെ അപേക്ഷിച്ച് 86 ശതമാനം കുറവ്. വില്‍പന 354.76 കോടി രൂപയുടേതായി.
മുന്‍വര്‍ഷത്തില്‍ വില്‍പന 353.82 കോടി രൂപയുടേതായിരുന്നു.ട്രെന്‍ഡ്‌ലൈന്‍ ഡാറ്റ പ്രകാരം കമ്പനി ഓഹരിയുടെ ശരാശരി ലക്ഷ്യവില 665 രൂപയാണ്. നിലവിലെ വിലയില്‍ നിന്നും 71 ശതമാനം കൂടുതല്‍.
ഒരു അനലിസ്റ്റ് ശക്തമായ വാങ്ങല്‍ റേറ്റ് നല്‍കുന്നു. 667 കോടി രൂപ വിപണി മൂല്യമുള്ള വിസാക സിമന്റ് ഷീറ്റുകള്‍, ഫൈബര്‍ സിമന്റ് ബോര്‍ഡുകള്‍, ഹൈബ്രിഡ് സോളര്‍ റൂഫ്, ഫൈബര്‍ നൂലുകള്‍ എന്നിവ നിര്‍മ്മിച്ച് വിതരണം ചെയ്യുന്നു.
