മുംബൈ: 386.92 കോടി വിപണി മൂല്യമുള്ള സെര്‍വോടെക്ക് പവര്‍ സിസ്റ്റംസ് ലിമിറ്റഡ് ഇലക്ട്രിക് എക്യുപ്‌മെന്റ് വ്യവസായത്തിലുള്ള സ്‌മോള്‍ക്യാപ് കമ്പനിയാണ്. സോളാര്‍ ഉപകരണങ്ങള്‍, മെഡിക്കല്‍, ഊര്‍ജ്ജ ഉപകരണങ്ങള്‍ നിര്‍മ്മിക്കുന്നു. ഇടക്കാല ലാഭവിഹിതവും ഓഹരി വിഭജനവും പ്രഖ്യാപിച്ചിരിക്കയാണ് കമ്പനി.
20 പൈസ ലാഭവിഹിതമാണ് വിതരണം ചെയ്യുക.10 രൂപ മുഖവിലയുള്ള ഇക്വിറ്റി ഷെയറുകള്‍ 2 രൂപയുള്ള 5 ഓഹരികളാക്കി വിഭജിക്കും. ഫെബ്രുവരി 3 ആണ് ഓഹരി വിഭജനത്തിന്റെ റെക്കോര്‍ഡ് തീയതി.
മൂന്നാം പാദത്തില്‍ 83.2 കോടി രൂപയുടെ വില്‍പന നടത്താന്‍ കമ്പനിയ്ക്കായിരുന്നു. 3.87 കോടി രൂപയാണ് അറ്റാദായം. മുന്‍വര്‍ഷത്തെ സമാന പാദത്തെ അപേക്ഷിച്ച് 261 ശതമാനം വര്‍ധനവ്.
വെള്ളിയാഴ്ച 181.95 രൂപയില്‍ ക്ലോസ് ചെയ്ത ഓഹരി, 2021 സെപ്തംബറിലെ ലിസ്റ്റിംഗിന് ശേഷം 622.02 ശതമാനം വളര്‍ന്നു. 2022 ല്‍ 75.88 ശതമാനവും 2023 ല്‍ ഇതുവരെ 12.38 ശതമാനവും നേട്ടമുണ്ടാക്കിയ സ്റ്റോക്ക് ആറ് മാസത്തെ കണക്കെടുത്താല്‍ 209.97 ശതമാനമാണ് ഉയര്‍ന്നത്.
