ന്യൂഡല്‍ഹി: പ്രമുഖ നിക്ഷേപകന്‍ ആശിഷ് കച്ചോലിയയ്ക്ക് മുന്‍ഗണനാ ഓഹരികള്‍ നല്‍കാനിരിക്കെ നോളജ് മറൈന്‍ ആന്റ് എഞ്ചിനീയറിംഗ് വര്‍ക്ക്‌സ് ഓഹരി ചൊവ്വാഴ്ച 5 ശതമാനം ഉയര്‍ന്ന് 52 ആഴ്ച ഉയരം കുറിച്ചു. 5.65 ലക്ഷം മുന്‍ഗണനാ ഓഹരികള്‍ 700 രൂപ നിരക്കില്‍ കച്ചോലിയയ്ക്ക് നല്‍കുമെന്ന് കമ്പനി തിങ്കളാഴ്ചയാണ് അറിയിച്ചത്. മൊത്തം 39.55 കോടി രൂപയുടെ ഇടപാടാണിത്.
സെപ്തംബറിലവസാനിച്ച പാതി വര്‍ഷത്തില്‍ ഡ്രെഡ്ജിംഗ് കമ്പനിയായ നോളജ് മറൈന്‍ അറ്റാദായം 23.84 കോടി രൂപയാക്കി ഉയര്‍ത്തിയിരുന്നു. പ്രവര്‍ത്തനവരുമാനം 540 ശതമാനം ഉയര്‍ന്ന് 122.71 കോടി രൂപയുമായി. നിലവില്‍ 832.70 രൂപയിലാണ് കമ്പനി ഓഹരിയുള്ളത്.
കഴിഞ്ഞ ആറ് മാസത്തില്‍ 270 ശതമാനം ഉയര്‍ന്ന ഓഹരിയാണ് നോളജ്മറൈന്‍ ആന്റ് എഞ്ചിനീയറിംഗ് വര്‍ക്ക്‌സിന്റേത്. ഒരു വര്‍ഷത്തെ നേട്ടം 740 ശതമാനം. ഡിസംബര്‍ 9 ന് ചേരുന്ന അസാധാരണ ജനറല്‍ മീറ്റിംഗില്‍ ഓഹരിയുടമകളുടെ അനുമതി ലഭ്യമായാല്‍ കച്ചോലിയയ്ക്ക് മുന്‍ഗണനാ ഓഹരികള്‍ ലഭ്യമാകും.
