ന്യൂഡല്‍ഹി: തിങ്കളാഴ്ച, റെക്കോര്‍ഡ് ഉയരം കുറിച്ച ഓഹരിയാണ് അദ്വൈത് ഇന്‍ഫ്രാടെക്കിന്റേത്. ബിഎസ്ഇയില്‍ 10% അപ്പര്‍ സര്‍ക്യൂട്ടിലെത്തിയ ഓഹരി 411.10 രൂപയുടെ പുതിയ ഉയരമാണ് രേഖപ്പെടുത്തിയത്. 2020 സെപ്റ്റംബറില്‍ അരങ്ങേറ്റം കുറിച്ചശേഷമുള്ള കൂടിയ വിലയാണിത്.
കഴിഞ്ഞ 5 വ്യാപാര ദിനങ്ങളില്‍ 109 ശതമാനത്തിന്റെ മള്‍ട്ടിബാഗര്‍ നേട്ടം കൈവരിക്കാനും ഓഹരിയ്ക്കായി. 197 രൂപയില്‍ നിന്നായിരുന്നു സ്‌റ്റോക്കിന്റെ കുതിപ്പ്. ബിഎസ്ഇ സെന്‍സെക്‌സ്, ഈ കാലയളവില്‍ ഏകദേശം 1% ഇടിവാണ് രേഖപ്പെടുത്തിയത്.
ഓഹരിയുടെ അപ്രതീക്ഷിത വില വര്‍ദ്ധനവിന് കമ്പനിയുമായി ബന്ധമില്ലെന്ന് അദ്വൈത് ഇന്‍ഫ്രാടെക്ക് പറയുന്നു. ഉയര്‍ച്ച വിപണി ശക്തികളുടെ സ്വാധീനം കൊണ്ട് മാത്രമാണ്. ‘ഓഹരികളുടെ വില ഗണ്യമായി വര്‍ധിക്കാനുള്ള കാരണം ഞങ്ങള്‍ക്ക് അറിയില്ല. ഓഹരി വിലയിലെ ഏറ്റക്കുറച്ചിലുകള്‍ പൂര്‍ണ്ണമായും മാര്‍ക്കറ്റ് നിര്‍ണ്ണയിക്കുന്നു. വിപണി സാഹചര്യങ്ങള്‍ ഉള്‍പ്പെടെ നിരവധി വേരിയബിളുകള്‍ അതിനെ സ്വാധീനിച്ചേക്കാം. അത് എങ്ങനെ സംഭവിക്കുന്നു എന്നറിയുന്നതില്‍ മാനേജ്‌മെന്റിന് താല്‍പ്പര്യമില്ല, ‘അദ്വൈത് ഇന്‍ഫ്രാടെക് വ്യക്തമാക്കി.
ടെലികമ്മ്യൂണിക്കേഷന്‍ ഇന്‍ഫ്രാസ്ട്രക്ചര്‍, പവര്‍ ട്രാന്‍സ്മിഷന്‍, പവര്‍ സബ്‌സ്‌റ്റേഷനുകള്‍ എന്നിവയുടെ ഡൊമെയ്‌നുകളില്‍ ചരക്കുകളും സേവനങ്ങളും വാഗ്ദാനം ചെയ്യുന്ന ബിസിനസ്സിലാണ് അദ്വൈത് ഇന്‍ഫ്രാടെക്കുള്ളത്. ടേണ്‍കീ ടെലികമ്മ്യൂണിക്കേഷന്‍ പ്രോജക്ടുകള്‍, പവര്‍ ട്രാന്‍സ്മിഷന്‍ സബ്‌സ്‌റ്റേഷനുകളുടെ ഇന്‍സ്റ്റാളേഷന്‍, ടെലികോം ഉല്‍പ്പന്നങ്ങളുടെ ലയനിംഗ്മാര്‍ക്കറ്റിംഗ്, അന്തര്‍ദ്ദേശീയ ക്ലയന്റുകള്‍ക്ക് എന്‍ഡ്ടുഎന്‍ഡ് സൊല്യൂഷനുകള്‍ എന്നിവ ഉള്‍പ്പെടെ വിവിധ പ്രവര്‍ത്തനങ്ങളില്‍ കമ്പനി ഏര്‍പ്പെടുന്നു. കൂടാതെ, ട്രാന്‍സ്മിഷന്‍ ലൈന്‍ നിര്‍മ്മാണത്തിനായി മൂലധന സ്ട്രിംഗ് ടൂളുകള്‍ നിര്‍മ്മിക്കുകയും ചെയ്യുന്നു.
2021-2022 സാമ്പത്തിക വര്‍ഷത്തില്‍ അദ്വൈത് പുതിയ പ്ലാന്റ് നിര്‍മ്മിച്ചിരുന്നു. ഇതോടെ ആഭ്യന്തര ആവശ്യങ്ങള്‍ക്കുള്ള ഉപകരണങ്ങളും ജോയിന്റ് ബോക്‌സുകളും പ്രാദേശികമായി നിര്‍മ്മിക്കാന്‍ കമ്പനിയ്ക്കായി.
