ന്യൂഡല്‍ഹി: ഏപ്രില്‍-ജൂണ്‍ കാലയളവില്‍ പ്രധാന റെസിഡന്‍ഷ്യല്‍ പ്രോപ്പര്‍ട്ടികളുടെ ആഗോള വിലയില്‍ മുംബൈ ആറാം സ്ഥാനത്താണ്. കഴിഞ്ഞ വര്‍ഷത്തെ അപേക്ഷിച്ച് 5.2 ശതമാനം വര്‍ധനവാണ് മുംബൈയില്‍ ഉണ്ടായിട്ടുള്ളത്. ക്‌നൈറ്റ് ഫ്രാങ്ക് ഇന്ത്യ റിപ്പോര്‍ട്ട് ചെയ്തതനുസരിച്ച്, ബെംഗളൂരു 20-ാം സ്ഥാനത്തും ദില്ലി 26-ാം സ്ഥാനത്തുമാണ്.
ബെംഗളൂരുവില്‍ കഴിഞ്ഞ വര്‍ഷത്തെ അപേക്ഷിച്ച് 3.6 ശതമാനം വര്‍ധനവാണ് ഉണ്ടായിട്ടുള്ളത്. ദില്ലിയില്‍ 0.2 ശതമാനം വര്‍ധനവുണ്ടായി. ലോകത്ത് ഏറ്റവും കൂടുതല്‍ വര്‍ധനവ് ഉണ്ടായിട്ടുള്ളത് ദുബൈയിലാണ്.
കഴിഞ്ഞ വര്‍ഷത്തെ അപേക്ഷിച്ച് 48.8 ശതമാനം കൂടി. ടോക്കിയോ രണ്ടാം സ്ഥാനത്തും മനില മൂന്നാം സ്ഥാനത്തും മയാമി നാലാം സ്ഥാനത്തും ഷാങ്ഹായ് അഞ്ചാം സ്ഥാനത്തുമാണ്.
46 നഗരങ്ങളില്‍ ശരാശരി വര്‍ധനവ് 1.5 ശതമാനം. ലോകത്തിലെ 46 നഗരങ്ങളിലെ പ്രധാന റെസിഡന്‍ഷ്യല്‍ പ്രോപ്പര്‍ട്ടികളുടെ വില വര്‍ധനവ് ട്രാക്കുചെയ്യുന്ന പ്രൈം ഗ്ലോബല്‍ സിറ്റീസ് ഇന്‍ഡക്‌സ് പ്രകാരമാണ് റിപ്പോര്‍ട്ട്.
