FINANCE

സേവിങ്‌സ്, എഫ്.ഡി. നിരക്കുകള്‍ മാറ്റം വരുത്തി ബാങ്കുകള്‍

Manu

03 Dec 2021

സേവിങ്‌സ്, എഫ്.ഡി. നിരക്കുകളില്‍ മാറ്റം വരുത്തി പ്രമുഖ ബാങ്കുകള്‍. ഐ.സി.ഐ.സി.ഐ. ബാങ്ക് സ്ഥിരനിക്ഷേപങ്ങളുടെ പലിശ നിരക്ക് മാറ്റിയപ്പോള്‍ പഞ്ചാബ് നാഷണല്‍ ബാങ്ക് സേവിങ്‌സ് അക്കൗണ്ടുകളുടെ പലിശനിരക്കാണ് മാറ്റിയിരിക്കുന്നത്. പുതുക്കിയ നിരക്കുകള്‍ പ്രകാരം ഐ.സി.ഐ.സി.ഐ. ഉപയോക്താക്കള്‍ക്ക് സ്ഥിരനിക്ഷേപങ്ങള്‍ക്ക് 2.50 ശതമാനം മുതല്‍ 6.3 ശതമാനം വരെയാകും പലിശ ലഭിക്കുക. അതേസമയം സേവിങ്‌സ് അക്കൗണ്ടുകള്‍ക്ക് പഞ്ചാബ് നാഷണല്‍ ബാങ്ക് 2.85 ശതമാനം വരെയാകും പലിശ നല്‍കുക.

ഐ.സി.ഐ.സി.ഐ. ബാങ്ക് നിരക്കുകള്‍

ഏഴു ദിവസം മുതല്‍ 10 വര്‍ഷം വരെയുള്ള സ്ഥിര നിക്ഷേപങ്ങളാണ് ബാങ്ക് വാഗ്ദാനം ചെയ്യുന്നത്. ഏഴു ദിവസം മുതല്‍ 29 ദിവസം വരെ 2.50 ശതമാനം പലിശ നല്‍കുമ്പോള്‍ 30 ദിവസം മുതല്‍ 90 ദിവസം വരെയുള്ള നിക്ഷേപങ്ങള്‍ക്ക് മൂന്നു ശതമാനം പലിശ ലഭിക്കും. 91 ദിവസം മുതല്‍ 184 ദിവസം വരെയുള്ള നിക്ഷേപങ്ങള്‍ക്ക് 3.5 ശതമാനമാണ് പലിശ. 4.40 ശതമാനം പലിശ ലഭിക്കണമെങ്കില്‍ നിക്ഷേപങ്ങള്‍ 185 ദിവസം മുതല്‍ ഒരു വര്‍ഷം വരെ ആയിരിക്കണം. ഒരു വര്‍ഷം മുതല്‍ 18 മാസം വരെ 4.9 ശതമാനവും 10 മാസം മുതല്‍ രണ്ടു വര്‍ഷം വരെ അഞ്ചു ശതമാനവും പലശ ലഭിക്കും.

രണ്ടു വര്‍ഷവും ഒരു ദിവസവും മുതല്‍ മൂന്നു വര്‍ഷം വരെ 5.15 ശതമാനവും മൂന്നു വര്‍ഷവും ഒരു ദിവസവും തൊട്ട് അഞ്ചു വര്‍ഷം വരെ 5.35 ശതമാനവും പലിശ ലഭിക്കും. അഞ്ചു വര്‍ഷം മുതല്‍ 10 വര്‍ഷം വരെ 5.50 ശതമാനമാണ് പലിശ. മുതിര്‍ന്ന പൗരന്‍മാര്‍ക്ക് ഏഴു ദിവസം മുതല്‍ 10 വര്‍ഷം വരെയുള്ള നിക്ഷേപങ്ങള്‍ക്ക് മൂന്നു ശതമാനം മുതല്‍ 6.3 ശതമാനം വരെ പലിശ ലഭിക്കും. രണ്ടു കോടിയില്‍ താഴെയുള്ള നിക്ഷേപങ്ങള്‍ക്കാകും പുതുക്കിയ നിരക്ക് ബാധകമാകുക.

പഞ്ചാബ് നാഷണല്‍ ബാങ്ക് നിരക്കുകള്‍

10 ലക്ഷം രൂപയില്‍ താഴെയുള്ള സേവിങ്‌സ് നിക്ഷേപങ്ങള്‍ക്ക് 2.80 ശതമാനമാകും പലിശ. അതേസമയം 10 ലക്ഷം രൂപയില്‍ കൂടുതലുള്ള നിക്ഷേപങ്ങള്‍ക്ക് 2.85 ശതമാനം പലിശ ലഭിക്കും. സ്ഥിര നിക്ഷേപങ്ങള്‍ക്ക് ബാങ്ക് 2.9 ശതമാനം മുതല്‍ 5.25 ശതമാനം വരെയാണ് പലിശ വാഗ്ദാനം ചെയ്യുന്നത്. ഏഴു ദിവസം മുതല്‍ 10 വര്‍ഷം വരെയുള്ള നിക്ഷേപങ്ങള്‍ പി.എന്‍.ബിയും വാഗ്ദാനം ചെയ്യുന്നുണ്ട്. മുതിര്‍ന്ന പൗരന്‍മാരുടെ നിക്ഷേപങ്ങള്‍ക്ക് എല്ലാ കാലവധിയിലും അര ശതമാനം വരെ അധിക പലിശ ലഭിക്കും.

ഇവിെട േപാസ്റ്റ� െചയ്യ�ന്ന അഭി്രപായങ്ങൾ ന�ൂഏജിന്േറതല�ാ. വായനക്കാരുെട അഭി്രപായങ്ങള് വായനക്കാരുേടതു മാ്രതമാണ് . േക്രന്ദ സർക്കാരിന്െറഐടി നയ്രപകാരം വ�ക്തി, സമുദായം, മതം, രാജ�ംഎന്നിവയ്െക്കതിരായി അധിേക്ഷപങ്ങള�ംഅ�ീല പദ്രപേയാഗങ്ങള�ം നടത്തുന്നത് ശിക്ഷാർഹമായ കുറ്റമാണ് . ഇത്തരംഅഭി്രപായ ്രപകടനത്തിന് നിയമനടപടി ൈകെക്കാള്ള�ന്നതാണ്.


Related News


Special Story