ECONOMY

സാമ്പത്തിക വര്‍ഷത്തിന്‍റെ ആദ്യ പകുതിയില്‍ രാജ്യം 35 ബില്യണ്‍ യുഎസ് ഡോളറിന്റെ വിദേശ നിക്ഷേപം നേടിയതായി മുഖ്യ സാമ്പത്തിക ഉപദേഷ്ടാവ്

14 Dec 2019

ന്യൂഏജ് ന്യൂസ്: രാജ്യത്തിന്‍റെ വളര്‍ച്ചാ മുരടിപ്പ് നേരിടാന്‍ കേന്ദ്ര സര്‍ക്കാര്‍ സ്വീകരിച്ച നടപടികളും അതിന്‍റെ ഫലങ്ങളും എടുത്തുപറഞ്ഞ് മുഖ്യ സാമ്പത്തിക ഉപദേഷ്ടാവ് (സിഇഎ) കൃഷ്ണമൂര്‍ത്തി സുബ്രഹ്മണ്യം. സര്‍ക്കാരിന്‍റെ പ്രവര്‍ത്തന റിപ്പോര്‍ട്ടാണ് അദ്ദേഹം വിശദീകരിച്ചത് . രാജ്യത്തേക്കുളള വിദേശ നിക്ഷേപ വരവില്‍ ഗണ്യമായ വര്‍ധനയുണ്ടായതായി അദ്ദേഹം പറഞ്ഞു. 

നടപ്പ് സാമ്പത്തിക വര്‍ഷത്തിന്‍റെ ആദ്യ പകുതിയില്‍ വിദേശ നിക്ഷേപം 35 ബില്യണ്‍ യുഎസ് ഡോളറാണ്. മുന്‍ വര്‍ഷം സമാന കാലയളവില്‍ ഇത് 31 ബില്യണ്‍ ഡോളറായിരുന്നു. എൻ‌ബി‌എഫ്‌സികൾ‌ക്കും എച്ച്‌എഫ്‌സികൾ‌ക്കുമായുള്ള ഭാഗിക ക്രെഡിറ്റ് ഗ്യാരണ്ടി സ്കീമിൽ‌, ബി‌ബി‌ബി അല്ലെങ്കിൽ‌ മികച്ചതായി റേറ്റുചെയ്‌ത അസറ്റ് പൂളുകളുള്ള എസ്‌എം‌എ -0 വായ്പക്കാർ‌ക്ക് കാബിനറ്റ് അംഗീകാരം ലഭിച്ചു, രണ്ട് ദിവസത്തിനുള്ളിൽ 7,657 കോടി രൂപയുടെ 17 പ്രപ്പോസലുകള്‍ക്ക്‌ അംഗീകാരം ലഭിച്ചു.

ഇന്ത്യന്‍ നിക്ഷേപം നടത്താന്‍ മികച്ച കേന്ദ്രമാണെന്ന് വിദേശികളുടെ തോന്നല്‍ വളരെ നല്ല സൂചനയാണെന്ന് മുഖ്യ സാമ്പത്തിക ഉപദേഷ്ടാവ് പറഞ്ഞു. വളര്‍ച്ചാ മുരടിപ്പ് നേരിടാന്‍ സര്‍ക്കാരിന്‍റെ ഭാഗത്ത് നിന്നുണ്ടായ നടപടികള്‍ വിശദീകരിക്കുകയായിരുന്നു അദ്ദേഹം. ധനമന്ത്രാലയത്തില്‍ വിളിച്ചുകൂട്ടിയ പത്ര സമ്മേളനത്തിലാണ് കൃഷ്ണമൂര്‍ത്തി സുബ്രഹ്മണ്യം സംസാരിച്ചത്. പൊതുമേഖല സ്ഥാപനങ്ങളുടെയും സര്‍ക്കാരിന്‍റെയും കടത്തില്‍ കുറവ് വരുത്താനായതായും റിപ്പോര്‍ട്ടില്‍ പറയുന്നു. രണ്ട് ഘട്ടങ്ങളിലായി 61,000 കോടി രൂപയുടെ കടമാണ് വീട്ടിയത്. 32 പൊതുമേഖല സ്ഥാപനങ്ങളുടെ 60 ശതമാനം കടവും വീട്ടി. 

എല്ലാ വായ്പകളും റിപ്പോ ലിങ്കിഡ്

32 ല്‍ 21 കേന്ദ്ര പൊതുമേഖല സ്ഥാപനങ്ങളിലും ഓണ്‍ലൈന്‍ ബില്‍ ട്രാക്കിങ് സംവിധാനം നടപ്പാക്കി. ഇതിലൂടെ ബില്‍ ക്ലിയറിംഗുമായി ബന്ധപ്പെട്ട പ്രശങ്ങള്‍ പരിഹരിക്കാനായി. അടുത്ത രണ്ടാഴ്ചയ്ക്കുള്ളിൽ 20,000 കോടി രൂപയുടെ നിർദേശങ്ങൾ അംഗീകരിക്കുമെന്ന് സിഇഎ തന്റെ അവതരണത്തിൽ പറഞ്ഞു.

റിസര്‍വ് ബാങ്കിന്‍റെ നിര്‍ദ്ദേശത്തെ തുടര്‍ന്ന് എല്ലാ പൊതുമേഖല ബാങ്കുകളും തങ്ങളുടെ വായ്പ വിതരണം റിപ്പോ നിരക്കുമായി ലിങ്ക് ചെയ്തു. ഇതിലൂടെ ഉപഭോക്താക്കള്‍ക്ക് ഗുണപരമായ രീതിയില്‍ വായ്പകള്‍ ലഭ്യമായി. നടപടിക്ക് ശേഷം 8.18 ലക്ഷം റിപ്പോ ലിങ്കിഡ് വയ്പകള്‍ (ആകെ മൂല്യം: 72,201 കോടി രൂപ) അനുവദിച്ചു. ഈ വര്‍ഷം നവംബര്‍ 27 മുതലുളള കണക്കുകളാണിത്. 

എം‌എസ്എംഇ ബിൽ ഡിസ്കൗണ്ടിംഗിൽ 2019 നവംബർ 15 വരെ 5.06 ലക്ഷം ബില്ലുകൾ (12,698 കോടി രൂപ) കണ്ടതായി സ്റ്റാറ്റസ് റിപ്പോർട്ടിൽ പറയുന്നു.

സി‌ഇഎയുടെ കണക്കനുസരിച്ച്, തുടർച്ചയായ ഉദാരവൽക്കരണത്തിന്റെ ഫലമായി 2019- 20 ന്‍റെ ആദ്യ പകുതിയില്‍ എഫ്ഡിഐയുടെ റെക്കോർഡ് 35 ബില്യൺ ഡോളറാണ്, എച്ച് 1 2018-19 ൽ 31 ബില്യൺ ഡോളറായിരുന്നു. കോർപ്പറേറ്റ് നികുതി നിരക്കിൽ കുറവുവരുത്തിയത് ഇന്ത്യയെ മറ്റ് രാജ്യങ്ങളെ അപേക്ഷിച്ച് ആകർഷകമാക്കുന്നു. പി‌എസ്‌ബികൾ വഴിയുള്ള വായ്പാ വിപുലീകരണം മാന്യമാണെന്നും 60,314 കോടി രൂപയുടെ ഇക്വിറ്റി നൽകിയിട്ടുണ്ടെന്നും പറയുന്നു, വ്യവസായ വായ്പകളായി 4.9 ലക്ഷം കോടി രൂപ വിതരണം ചെയ്തു - കോർപ്പറേറ്റുകൾക്ക് 2.2 ലക്ഷം കോടി രൂപ, എംഎസ്എംഇകൾക്ക് 72,985 കോടി രൂപ, റീട്ടെയിൽ വായ്പക്കാർക്ക് 39,453 കോടി രൂപ.

ചില്ലറ വായ്‌പ നൽകുന്നതിന്‌ എൻ‌ബി‌എഫ്‌സി, എച്ച്‌എഫ്‌സി എന്നിവയ്‌ക്കുള്ള ആസ്തി പൂളിലേക്ക് 1.29 ലക്ഷം കോടി രൂപ ഉൾപ്പെടെ 4.47 ലക്ഷം കോടി രൂപ ധനമന്ത്രാലയം അനുവദിച്ചതായും മുഖ്യ സാമ്പത്തിക ഉപദേഷ്ടാവ് മാധ്യമങ്ങള്‍ക്ക് മുന്നില്‍ വിശദീകരിച്ചു.

ഇവിെട േപാസ്റ്റ� െചയ്യ�ന്ന അഭി്രപായങ്ങൾ ന�ൂഏജിന്േറതല�ാ. വായനക്കാരുെട അഭി്രപായങ്ങള് വായനക്കാരുേടതു മാ്രതമാണ് . േക്രന്ദ സർക്കാരിന്െറഐടി നയ്രപകാരം വ�ക്തി, സമുദായം, മതം, രാജ�ംഎന്നിവയ്െക്കതിരായി അധിേക്ഷപങ്ങള�ംഅ�ീല പദ്രപേയാഗങ്ങള�ം നടത്തുന്നത് ശിക്ഷാർഹമായ കുറ്റമാണ് . ഇത്തരംഅഭി്രപായ ്രപകടനത്തിന് നിയമനടപടി ൈകെക്കാള്ള�ന്നതാണ്.


Related News


Special Story

BIG BREAKING: മറൈൻഡ്രൈവിൽ അബാദ്, ഡിഡി, പുർവ, പ്രെസ്‌റ്റീജ്... തേവരയിൽ ചക്കൊളാസ്, മേത്തർ, സ്‌കൈലൈൻ... KCZMAയുടെ ഒഴിപ്പിക്കൽ ഭീഷണിയിൽ കൊച്ചിയിലെ കൂടുതൽ ഫ്ലാറ്റുകൾ; മരട് ഫ്ലാറ്റ് കേസ് വിധി സംസ്ഥാനത്ത് റിയാൽറ്റി മേഖലയുടെ അടിവേരിളക്കുമെന്ന ഭീതി ശക്തം
ചികിത്സാരീതികൾ മെച്ചപ്പെട്ടു, ബോധവൽക്കരണ പ്രവർത്തനങ്ങൾ കൂടി; രാജ്യത്ത് കാൻസർ രോഗികളുടെ എണ്ണത്തിൽ പ്രതിവർഷമുണ്ടാകുന്ന വളർച്ച രണ്ടക്കത്തിൽത്തന്നെ, കാൻസറിനെതിരെ ഇൻഷുറൻസ് പ്രതിരോധം സ്വീകരിക്കുന്നവർ കുറവെന്നും റിപ്പോർട്ട്
വിനോദ സഞ്ചാര മേഖലക്ക് പ്രതീക്ഷ നല്‍കി ക്രൂയിസ് ടൂറിസം; കേരളത്തിലേക്ക് ഈ സീസണില്‍ എത്തിയത് 26 ആഡംബര കപ്പലുകളും 35000ല്‍ ഏറെ സ‌ഞ്ചാരികളും, കൊച്ചിന്‍ പോര്‍ട്ട് ട്രസ്റ്റിന് ലഭിച്ചത് മൂന്ന് കോടിയോളം രൂപ