LAUNCHPAD

കൊച്ചി തുറമുഖം കേന്ദ്രീകരിച്ച് മാലദ്വീപിലേക്ക് ആഡംബര കപ്പല്‍ സര്‍വീസുമായി ഇറ്റാലിയന്‍ കമ്പനി; കോസ്റ്റ ക്രൂസ് പ്രവർത്തനം തുടങ്ങുന്നത് നവംബര്‍ 13ന്, കുറഞ്ഞ നിരക്കില്‍ ആഡംബരങ്ങളോടെ കടല്‍യാത്ര നടത്താൻ സുവർണാവസരം

09 Apr 2019

ന്യൂഏജ് ന്യൂസ്, കൊച്ചി: കടല്‍യാത്ര ചെയ്യാന്‍ താല്‍പര്യമുളളവര്‍ക്ക് വന്‍ അവസരവുമായി ഇറ്റലി ആസ്ഥാനമായ കോസ്റ്റ ക്രൂസ് എത്തുന്നു. ഈ വര്‍ഷം നവംബര്‍ 13 ന് കോസ്റ്റ ക്രൂസ് കൊച്ചി തുറമുഖം കേന്ദ്രീകരിച്ച് മാലദ്വീപിലേക്ക് ആഡംബര കപ്പല്‍ സര്‍വീസ് ആരംഭിക്കുകയാണ്. അടുത്ത വര്‍ഷം മാര്‍ച്ച് മാസം വരെ മുടങ്ങാതെ കൊച്ചിയില്‍ നിന്നും സര്‍വീസുണ്ടാകും. 

കോസ്റ്റ വിക്ടോറിയ എന്ന ആഡംബര കപ്പലാകും സര്‍വീസ് നടത്തുക. ഒരാള്‍ക്ക് മൂന്ന് രാത്രി യാത്ര ചെയ്യുന്നതിനുളള കുറഞ്ഞ നിരക്ക് 26,000 രൂപയാണ്. ഭക്ഷണം, താമസം, വിനോദസൗകര്യങ്ങള്‍ തുടങ്ങി ആഡംബരത്തിന്‍റെ എല്ലാ സാധ്യതകളും നിങ്ങള്‍ക്ക് കപ്പലില്‍ ഉപയോഗിക്കാനാകും. 18 വയസ്സില്‍ താഴെയുളള കുട്ടികള്‍ക്ക് മാതാപിതാക്കളോടൊപ്പം യാത്ര സൗജന്യമാണ്. എന്നാല്‍, ഇവര്‍ക്ക് തുറമുഖ നികുതി ഉള്‍പ്പെടെയുളളവ നല്‍കേണ്ടി വരും. 

നവംബര്‍ 13 ന് ആദ്യ സര്‍വീസ് തുടങ്ങും, തുടര്‍ന്ന് നവംബര്‍ 17, ഡിസംബര്‍ 11,25, ജനുവരി 8,22, ഫെബ്രുവരി 5, 19, മാര്‍ച്ച് 4 എന്നീ തീയതികളിലാണ് കൊച്ചിയില്‍ നിന്നും മാലദ്വീപിലേക്ക് സര്‍വീസുളളത്. കുടുംബത്തോടൊപ്പം യാത്ര ചെയ്യുമ്പോള്‍ ഒരേ മുറി പങ്കിടുന്ന മൂന്നാമത്തെയും നാലാമത്തെയും അതിഥിക്ക് നികുതി ഉള്‍പ്പടെ നിരക്കിന്‍റെ 50 ശതമാനം നല്‍കിയാല്‍ മതിയാകും. 



Related News


Special Story

രാ​ജ്യ​വ്യാ​പ​ക​മാ​യി 255 ഇ​ല​ക്‌​ട്രി​ക് ബ​സു​ക​ള്‍ നി​ര​ത്തി​ലി​റ​ക്കു​മെ​ന്ന് ടാ​റ്റ മോ​ട്ടോ​ഴ്സ്; തീരുമാനം പ​രി​സ്ഥി​തി സം​ര​ക്ഷ​ണ സ​ന്ദേ​ശം ഉ​യ​ര്‍​ത്തി​പ്പി​ടി​ക്കുന്നതിന്റെ ഭാഗമായി
അ​നു​മ​തി ല​ഭി​ച്ചാ​ല്‍ വലിയ വിമാനങ്ങളുടെ സര്‍വീസ് ഉ​ട​ന്‍ ആ​രം​ഭി​ക്കു​വാൻ​ ത​യാ​റാ​ണെ​ന്ന്​ എ​മി​റേ​റ്റ്​​സ്; സു​ര​ക്ഷ വി​ല​യി​രു​ത്ത​ല്‍ തൃ​പ്​​തി​ക​രം, വി​മാ​ന​ത്താ​വ​ള അ​തോ​റി​റ്റി​യും എ​മി​റേ​റ്റ്​​സും ധാ​ര​ണാ​പ​ത്രം ഒ​പ്പി​ട്ടു
കൊച്ചിയിൽനിന്ന് ഇസ്രയേലിലേക്ക് നേരിട്ടുള്ള വിമാനസർവീസുകൾ തുടങ്ങാനൊരുങ്ങി ആർകിയ എയർലൈൻസ്; ഇസ്രയേലിന്റെ രണ്ടാമത്തെ വലിയ വിമാനക്കമ്പനി എത്തുന്നത് പ്രധാനമായും വിശുദ്ധനാട് സന്ദർശകരെ ലക്ഷ്യമിട്ട്