ECONOMY

കോവിഡ് വ്യാപനത്തോടെ സംസ്ഥാനത്തെ കാർഷികേതര മേഖലയിലെ തൊഴിലും വരുമാനവും പകുതിയായി കുറഞ്ഞെന്ന് പഠനം

Newage News

20 Oct 2020

കൊച്ചി: കൊവിഡ് വ്യാപനം സംസ്ഥാനത്തെ കാർഷികേതര അസംഘടിത മേഖലയിലെ തൊഴിലും വരുമാനവും പകുതിയായി കുറച്ചെന്ന് പഠനം. തൊഴിൽ നഷ്ടം 53 ശതമാനവും വരുമാന നഷ്ടം 59 ശതമാനവുമാണ്. സംസ്ഥാന എക്കണോമിക്സ് ആൻഡ് സ്റ്റാറ്റിസ്റ്റിക്‌സ് വകുപ്പിന്റെ കണക്കുകളുടെ അടിസ്ഥാനത്തിൽ തിരുവനന്തപുരത്തെ ഗുലാത്തി ഇൻസ്റ്റിറ്റ്യൂട്ട് ഡയറക്ടർ കെ.ജെ. ജോസഫും പി.വി. ബാബുവുമാണ് പഠനം നടത്തിയത്.

ലോക്ക്ഡൗണിന് മുമ്പുള്ള മാസത്തെ കണക്കും ഏപ്രിൽ, മേയ്, ജൂൺ മാസങ്ങളിലെ ശരാശരിയും താരതമ്യം ചെയ്താണ് നിഗമനത്തിലെത്തിയത്. നിർമ്മാണ മേഖലയെ ഒഴിവാക്കി സംസ്ഥാനത്തൊട്ടാകെയുള്ള 9,262 യൂണിറ്റുകളെ പഠനത്തിന് വിധേയമാക്കി.

കാർഷിക മേഖലയിൽ തൊഴിലില്ലായ്മയും വരുമാനമില്ലായ്മയും കുറവായിരുന്നു. സേവനമേഖലയിൽ ഹോട്ടൽ, ടൂറിസം എന്നിവയിൽ തൊഴിലും വരുമാനവും കുറഞ്ഞു. ഏപ്രിലിലാണ് തൊഴിൽ നഷ്ടം കൂടുതൽ; 74 ശതമാനം. ജൂണിൽ ഇത് 32 ശതമാനമായി കുറഞ്ഞു. ഏപ്രിൽ-ജൂൺ പാദത്തിൽ തൊഴിൽ നഷ്ടം 53 ശതമാനമാണ്.

തൊഴിൽ നഷ്‌ടം

മാനുഫാക്‌ചറിംഗ് : 55%

വ്യാപാരം : 39%

ഹോട്ടൽ : 69%

റിയൽ എസ്‌റ്റേറ്റ് : 52%

ഏപ്രിലിൽ 79 ശതമാനവും ജൂണിൽ 39 ശതമാനവുമാണ് അസംഘടിത മേഖലയിലെ തൊഴിലാളി വരുമാന നഷ്ടം. ആദ്യപാദത്തിലെ ശരാശരി നഷ്ടം 59 ശതമാനം. ഹോട്ടൽ മേഖലയിൽ 82 ശതമാനം. റിയൽ എസ്റ്റേറ്റിൽ 73 ശതമാനം.

പീരിയോഡിക് ലേബർ ഫോഴ്സ് സർവേ പ്രകാരം കേരളത്തിൽ 88.4 ലക്ഷം തൊഴിലാളികളാണുള്ളത്. 12.5 ലക്ഷം പേർ (14 ശതമാനം) സംഘടിത മേഖലയിലും 33 ലക്ഷം പേർ കാർഷിക മേഖലയിലും 43 ലക്ഷം പേർ (49 ശതമാനം) കാർഷികേതര അസംഘടിത മേഖലയിലുമാണ്.

ഇവിെട േപാസ്റ്റ� െചയ്യ�ന്ന അഭി്രപായങ്ങൾ ന�ൂഏജിന്േറതല�ാ. വായനക്കാരുെട അഭി്രപായങ്ങള് വായനക്കാരുേടതു മാ്രതമാണ് . േക്രന്ദ സർക്കാരിന്െറഐടി നയ്രപകാരം വ�ക്തി, സമുദായം, മതം, രാജ�ംഎന്നിവയ്െക്കതിരായി അധിേക്ഷപങ്ങള�ംഅ�ീല പദ്രപേയാഗങ്ങള�ം നടത്തുന്നത് ശിക്ഷാർഹമായ കുറ്റമാണ് . ഇത്തരംഅഭി്രപായ ്രപകടനത്തിന് നിയമനടപടി ൈകെക്കാള്ള�ന്നതാണ്.


Related News


Special Story

BIG BREAKING: മറൈൻഡ്രൈവിൽ അബാദ്, ഡിഡി, പുർവ, പ്രെസ്‌റ്റീജ്... തേവരയിൽ ചക്കൊളാസ്, മേത്തർ, സ്‌കൈലൈൻ... KCZMAയുടെ ഒഴിപ്പിക്കൽ ഭീഷണിയിൽ കൊച്ചിയിലെ കൂടുതൽ ഫ്ലാറ്റുകൾ; മരട് ഫ്ലാറ്റ് കേസ് വിധി സംസ്ഥാനത്ത് റിയാൽറ്റി മേഖലയുടെ അടിവേരിളക്കുമെന്ന ഭീതി ശക്തം
ചികിത്സാരീതികൾ മെച്ചപ്പെട്ടു, ബോധവൽക്കരണ പ്രവർത്തനങ്ങൾ കൂടി; രാജ്യത്ത് കാൻസർ രോഗികളുടെ എണ്ണത്തിൽ പ്രതിവർഷമുണ്ടാകുന്ന വളർച്ച രണ്ടക്കത്തിൽത്തന്നെ, കാൻസറിനെതിരെ ഇൻഷുറൻസ് പ്രതിരോധം സ്വീകരിക്കുന്നവർ കുറവെന്നും റിപ്പോർട്ട്
വിനോദ സഞ്ചാര മേഖലക്ക് പ്രതീക്ഷ നല്‍കി ക്രൂയിസ് ടൂറിസം; കേരളത്തിലേക്ക് ഈ സീസണില്‍ എത്തിയത് 26 ആഡംബര കപ്പലുകളും 35000ല്‍ ഏറെ സ‌ഞ്ചാരികളും, കൊച്ചിന്‍ പോര്‍ട്ട് ട്രസ്റ്റിന് ലഭിച്ചത് മൂന്ന് കോടിയോളം രൂപ