FINANCE

ക്രിപ്‌റ്റോകറൻസി നിരോധനം: അറിഞ്ഞിരിക്കേണ്ട 10 കാര്യങ്ങൾ

Newage News

25 Nov 2021

പാർലമെന്റിന്റെ ശീതകാല സമ്മേളനത്തിൽ ക്രിപ്‌റ്റോകറൻസി ബിൽ മേശപ്പുറത്ത് വയ്ക്കാൻ കേന്ദ്രം ഒരുങ്ങുകയാണ്. ഇതുമായി ബന്ധപ്പെട്ടുള്ള ഊഹാപോഹങ്ങളും ശക്തമാണ്. ക്രിപ്റ്റോകറൻസികൾ നിരോധിക്കാൻ പോകുന്നുവെന്ന ഭയത്താൽ ക്രിപ്റ്റോ മാർക്കറ്റിൽ വലിയ ഇടിവാണ് ഉണ്ടായിരിക്കുന്നത്. ഇത്തരമൊരു സാഹചര്യത്തിൽ ഇന്ത്യയിൽ ക്രിപ്റ്റോ കറൻസികളുടെ ഭാവി എന്തായിരിക്കുമെന്ന് പറയാൻ കഴിയില്ല. എങ്കിലും ഇതുവരെ പുറത്ത് വന്നിട്ടുള്ള 10 കാര്യങ്ങൾ നോക്കാം.

1) ഇന്ത്യയിലെ ക്രിപ്‌റ്റോകറൻസികളെ നിയന്ത്രിക്കുന്നതിനായി പാർലമെന്റിന്റെ ശീതകാല സമ്മേളനത്തിൽ 2021 ലെ ക്രിപ്‌റ്റോകറൻസി ആൻഡ് റെഗുലേഷൻ ഓഫ് ഒഫീഷ്യൽ ഡിജിറ്റൽ കറൻസി ബിൽ (Cryptocurrency and Regulation of Official Digital Currency Bill, 2021) അവതരിപ്പിക്കാൻ കേന്ദ്രം ഒരുങ്ങുകയാണ്.

2) ക്രിപ്‌റ്റോകറൻസിയുടെ ഔദ്യോഗിക രൂപം ആർബിഐ അവതരിപ്പിക്കാൻ സാധ്യതയുണ്ട്. നിലവിലെ രൂപത്തിൽ ബിൽ പാസാക്കിയാൽ, ചില ഒഴിവാക്കലുകൾ ഒഴികെ എല്ലാ സ്വകാര്യ ക്രിപ്‌റ്റോകറൻസികളും ഇന്ത്യയിൽ നിരോധിക്കപ്പെടും.

3) നിരോധനത്തെക്കുറിച്ചുള്ള വാർത്തകൾ പുറത്തുവന്നതോടെ പ്രധാന ക്രിപ്‌റ്റോകറൻസികളുടെ മൂല്യം ഇടിഞ്ഞു. ചൊവ്വാഴ്ച ബിറ്റ്കോയിൻ ( Bitcoin) 18.53%, ടെതർ ( Tether) 18.29%, Ethereum 15.58% ഇടിഞ്ഞു. CoinDesk ൻ്റെ റിപ്പോർട്ട് അനുസരിച്ച് മിക്ക ക്രിപ്‌റ്റോകറൻസികളും ബുധനാഴ്ചയും ഇടിഞ്ഞു.

4) ക്രിപ്‌റ്റോകറൻസികൾ നിരോധിക്കാൻ കഴിയില്ലെന്നും അതിനാൽ നിയന്ത്രിക്കേണ്ടതുണ്ടെന്നും പാർലമെന്റ് അംഗങ്ങൾ നവംബർ 15ന് ചേർന്ന പാനൽ യോഗത്തിൽ തീരുമാനമെടുത്തതിന് പിന്നാലെയാണ് ബിൽ അവതരിപ്പിക്കാനുള്ള സർക്കാർ തീരുമാനം. ദേശീയ ദിനപത്രങ്ങളിൽ മുഴുവൻ പേജ് ക്രിപ്‌റ്റോ പരസ്യങ്ങൾ വരാറുണ്ട്. അതുകൊണ്ട് തന്നെ നിക്ഷേപകരുടെ പണത്തിന്റെ സുരക്ഷിതത്വം സംബന്ധിച്ച് പാർലമെൻ്റ്  അംഗങ്ങൾ ആശങ്കയെന്ന് പ്രകടിപ്പിച്ചിട്ടുണ്ട്.

5) 2017 മുതൽ ക്രിപ്‌റ്റോകറൻസികളെ കുറിച്ച് ആർബിഐ ഗൗരവമായ ആശങ്കകൾ പ്രകടിപ്പിക്കുന്നു. 2018 ഏപ്രിൽ 6-ലെ ആർബിഐ സർക്കുലർ, വെർച്വൽ കറൻസികളുമായി ബന്ധപ്പെട്ട് സേവനങ്ങൾ നൽകുന്നതിൽ നിന്ന് ബാങ്കുകളെയും അതിന്റെ നിയന്ത്രണത്തിലുള്ള സ്ഥാപനങ്ങളെയും വിലക്കി. 2021 മാർച്ച് 4 ന്, സുപ്രീം കോടതി സർക്കുലർ റദ്ദാക്കി.

6)  ക്രിപ്‌റ്റോകറൻസികളെ കുറിച്ച് ഗൗരവമേറിയതും നിർണ്ണായകവുമായ ചർച്ചകൾ ഇപ്പോഴും നടക്കുന്നില്ലെന്ന് ആർബിഐ ഗവർണർ ശക്തികാന്ത ദാസ് അടുത്തിടെ നടന്ന ഒരു പരിപാടിയിൽ പറഞ്ഞു.

7) സ്വകാര്യ ക്രിപ്‌റ്റോകറൻസികൾ പണം/കറൻസിയുടെ അവശ്യങ്ങളുമായ് പൊരുത്തപ്പെടാത്തതിനാൽ ക്രിപ്‌റ്റോകറൻസികൾക്ക് ഒരു ഫിയറ്റ് കറൻസിയുടെ ഉദ്ദേശ്യം നിറവേറ്റാൻ കഴിയില്ലെന്നാണ് എസ്‌സി ഗാർഗ് കമ്മിറ്റിയുടെ നിഗമനം.

8) ഇന്ത്യൻ ക്രിപ്‌റ്റോ എക്‌സ്‌ചേഞ്ചുകളും വ്യവസായ സ്ഥാപനങ്ങളും അടുത്തിടെ സംയുക്തമായി പരസ്യം പ്രസിദ്ധീകരിച്ചിരുന്നു. ഇന്ത്യക്കാരുടെ ക്രിപ്‌റ്റോ നിക്ഷേപം 6 ലക്ഷം കോടി കവിഞ്ഞെന്നും നിക്ഷേപകരുടെ എണ്ണം 10 കോടിയിലധികം വർധിച്ചുവെന്നും ആണ് അതിൽ അവകാശപ്പെടുന്നത്.

9) നവംബർ 18 ന് സിഡ്‌നി ഡയലോഗിനെ അഭിസംബോധന ചെയ്തുകൊണ്ട്, ക്രിപ്‌റ്റോകറൻസികൾ "തെറ്റായ കൈകളിൽ" എത്തുന്നില്ലെന്ന് എല്ലാ രാജ്യങ്ങളും ഉറപ്പാക്കണമെന്ന് പ്രധാനമന്ത്രി നരേന്ദ്ര മോദി പറഞ്ഞിരുന്നു.

10) നിലവിൽ, ക്രിപ്‌റ്റോകറൻസിക്ക് നിയമപരമായ ടെൻഡർ പദവി നൽകിയിട്ടുള്ള ഏക രാജ്യം എൽ സാൽവഡോറാണ്. 

ഇവിെട േപാസ്റ്റ� െചയ്യ�ന്ന അഭി്രപായങ്ങൾ ന�ൂഏജിന്േറതല�ാ. വായനക്കാരുെട അഭി്രപായങ്ങള് വായനക്കാരുേടതു മാ്രതമാണ് . േക്രന്ദ സർക്കാരിന്െറഐടി നയ്രപകാരം വ�ക്തി, സമുദായം, മതം, രാജ�ംഎന്നിവയ്െക്കതിരായി അധിേക്ഷപങ്ങള�ംഅ�ീല പദ്രപേയാഗങ്ങള�ം നടത്തുന്നത് ശിക്ഷാർഹമായ കുറ്റമാണ് . ഇത്തരംഅഭി്രപായ ്രപകടനത്തിന് നിയമനടപടി ൈകെക്കാള്ള�ന്നതാണ്.


Related News


Special Story